കരുവന്നൂര്‍ ബാങ്ക് തട്ടിപ്പ്; സി.പി.എം നേതാവ് എം.കെ കണ്ണനെ ഇഡി ചോദ്യം ചെയ്യുന്നു

കൊച്ചി : കരുവന്നൂര്‍ ബാങ്ക് തട്ടിപ്പ് കേസില്‍, സിപിഎം നേതാവ് എം കെ കണ്ണന്‍ ഇ ഡി കൊച്ചി ഓഫീസില്‍. തൃശൂര്‍ കോ ഓപ്പറേറ്റീവ് ബാങ്ക് പ്രസിഡന്റും കേരളാ ബാങ്ക് വൈസ് പ്രസിഡന്റുമാണ് കണ്ണന്‍. കേസുമായി ബന്ധപ്പെട്ട് തൃശൂര്‍ സര്‍വീസ് സഹകരണ ബാങ്കില്‍ ഒരാഴ്ച്ച മുന്‍പ് ഇഡി റെയ്ഡ് നടത്തിയിരുന്നു.ഇതിന് പിന്നാലെയാണ് കണ്ണനനെ കൊച്ചിയിലെ ഓഫിസിലേക്ക് ചോദ്യം ചെയ്യാനായി വിളിപ്പിച്ചത്.

തൃശൂര്‍ കോ ഓപ്പറേറ്റീവ് ബാങ്കിലാണ് കരുവന്നൂര്‍ കേസിലെ മുഖ്യപ്രതി സതീഷ് കുമാര്‍ മിക്ക ഇടപാടും നടത്തിയിട്ടുള്ളത്. കോടികളുടെ ഇടപാട് രേഖകള്‍ കഴിഞ്ഞ ദിവസം നടത്തിയ റെയ്ഡില്‍ പിടിച്ചെടുത്തിരുന്നു. ഇതുമായി ബന്ധപ്പെട്ട് വിശദാംശങ്ങള്‍ തേടാനാണ് കണ്ണനെ വിളിച്ചുവരുത്തിയത്. അയ്യന്തോള്‍ ബാങ്ക് പ്രസിഡന്റിനെയും വിളിച്ചുവരുത്തും. ഇതിന് ശേഷമാകും എസി മൊയ്തീന് വീണ്ടും നോട്ടിസ് നല്‍കണോ എന്നതില്‍ തീരുമാനമെടുക്കുക.