പാലക്കാട്: സ്റ്റേറ്റ് ബാങ്ക്‌സ് സ്റ്റാഫ് യൂനിയന്‍ (കേരള സര്‍ക്കിള്‍) സംസ്ഥാന നേതൃപഠന ക്യാംപ് ഇന്നും നാളെയും ധോണി ലീഡ് കോളജ് ഓഫ് മാനേജ്‌മെന്റില്‍ സംഘടിപ്പിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. രാവിലെ പത്തിന് എം.ബി രാജേഷ് എം.പി ഉദ്ഘാടനം ചെയ്യും. സാമ്പത്തിക വിദഗ്ധന്‍ വെങ്കിടേഷ് ബി. ആത്രേയ നവലിബറല്‍ പരിഷ്‌ക്കാരങ്ങളുടെ കാല്‍നൂറ്റാണ്ട് എന്ന വിഷയത്തില്‍ പ്രഭാഷണം നടത്തും. വാര്‍ത്താസമ്മേളനത്തില്‍ ജി.പി രാമചന്ദ്രന്‍, എ. രാഘവന്‍, ശ്രീവത്സന്‍ പങ്കെടുത്തു.