കോഴിക്കോട്: കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സാ പിഴവിനെത്തുടര്‍ന്ന് വീട്ടമ്മ മരിച്ചതായി പരാതി. കോഴിക്കോട് കൂടരഞ്ഞി സ്വദേശി സിന്ധു(45) ആണ് മരിച്ചത്. ബന്ധുക്കളുടെ പരാതിയില്‍ മെഡിക്കല്‍ കോളജ് ആശുപത്രിക്കെതിരെ പൊലിസ് കേസെടുത്തു.

പനി ബാധിച്ചാണ് സിന്ധു മെഡിക്കല്‍ കോളജിലെത്തിയത്. വന്നയുടനെ ഇവര്‍ക്ക് കുത്തിവെപ്പെടുത്തിരുന്നു. അധികം വൈകാതെ പള്‍സ് താഴ്ന്ന് മരിക്കുകയായിരുന്നു. മരുന്നു മാറി കുത്തിവെപ്പെടുത്താണ് സിന്ധു മരിച്ചതെന്നാണ് ബന്ധുക്കളുടെ ആരോപണം.