കണ്ണൂര്‍: അപൂര്‍വരോഗം ബാധിച്ച ലക്ഷദ്വീപ് സ്വദേശി ഇശല്‍ മറിയത്തിന്റെയും ചപ്പാരപ്പടവ് സ്വദേശി മുഹമ്മദ് കാസിമിന്റെയും ചികില്‍സയ്ക്ക് വഴിയൊരുങ്ങുന്നു. സ്പൈനല്‍ മസ്‌കുലര്‍ അട്രോഫി (എസ്എംഎ) രോഗം ബാധിച്ച ഇരുവരുടെയും ചികില്‍സയ്ക്കായി കണ്ണൂര്‍ മാട്ടൂലിലെ മുഹമ്മദിന്റെ ചികില്‍സാ ഫണ്ടില്‍നിന്ന് 8.5 കോടി വീതം നല്‍കും.

മുഹമ്മദ് ചികില്‍സാ കമ്മിറ്റിയാണ് ഇക്കാര്യം വാര്‍ത്താക്കുറിപ്പിലൂടെ അറിയിച്ചത്.

മുഹമ്മദിന്റെയും സഹോദരി അഫ്രയുടെയും ചികില്‍സയ്ക്ക് പ്രതീക്ഷിക്കുന്ന തുക കഴിഞ്ഞ് ബാക്കിയുള്ളത് സ്പൈനല്‍ മസ്‌കുലാര്‍ അട്രോപ്പി ബാധിച്ച മറ്റുള്ളവര്‍ക്ക് നല്‍കാന്‍ മുഹമ്മദ് ചികില്‍സാ കമ്മിറ്റി തീരുമാനിച്ചിരുന്നു. ഇതിന്റെ ഭാഗമായാണ് ഇശല്‍ മറിയം, കാസിം എന്നിവര്‍ക്ക് ആവശ്യമായ തുക നല്‍കാന്‍ തീരുമാനിച്ചത്.