വയലാര്‍ അവാര്‍ഡ് ശ്രീകുമാരന്‍ തമ്പിക്ക്; പുരസ്‌കാരം ' ജീവിതം ഒരു പെന്‍ഡുലം' എന്ന ആത്മകഥയ്ക്ക്

തിരുവനന്തപുരം: 47ാം വയലാര്‍ സാഹിത്യ പുരസ്‌കാരം സംവിധായകനും ഗാനരചയിതാവുമായ ശ്രീകുമാരന്‍ തമ്പിക്ക്. ' ജീവിതം ഒരു പെന്‍ഡുലം' എന്ന ആത്മകഥയ്ക്കാണ് പുരസ്‌കാരം. ഒരു ലക്ഷം രൂപയും കാനായി കുഞ്ഞിരാമന്‍ നിര്‍മിച്ച വെങ്കലശില്‍പവും അടങ്ങുന്നതാണിത്. വയലാര്‍ രാമവര്‍മയുടെ ചരമവാര്‍ഷിക ദിനമായ ഒക്ടോബര്‍ 27 ന് പുരസ്‌കാരം സമ്മാനിക്കും.

ഗാനരചയിതാവ്, തിരക്കഥാകൃത്ത്, ചലച്ചിത്ര നിര്‍മ്മാതാവ്, സംവിധായകന്‍, സംഗീതജ്ഞന്‍ എന്നീ നിലകളില്‍ പ്രവര്‍ത്തിക്കുന്ന അദ്ദേഹം ഒരു ചലച്ചിത്രകാരന്‍ എന്നതിലുപരി ഒരു ഗാനരചയിതാവാണ്. മലയാളത്തില്‍ 25 സിനിമകള്‍ നിര്‍മ്മിച്ചു, 29 എണ്ണം സംവിധാനം ചെയ്തു, ആയിരക്കണക്കിന് പാട്ടുകള്‍ എഴുതിയതിനു പുറമേ 85 സിനിമകള്‍ക്ക് തിരക്കഥയും എഴുതിയിട്ടുണ്ട്.