തിരൂര്‍: നാല്‍പത്തിയഞ്ചാമത് സംസ്ഥാന ഖോ-ഖോ പുരുഷ, വനിതാ ചാംപ്യന്‍ഷിപ്പിന് നിറമരുതൂര്‍ ഗവ. ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍ തുടക്കമായി. സംസ്ഥാനത്തിന്റെ വിവിധ ജില്ലകളില്‍നിന്നായി മുന്നൂറ്റിയന്‍പതോളം കായിക താരങ്ങള്‍ പങ്കെടുക്കുന്ന ചാംപ്യന്‍ഷിപ്പ് വി. അബ്ദുറഹ്മാന്‍ എം.എല്‍.എ ഉദ്ഘാടനം ചെയ്തു.
നിറമരുതൂര്‍ പഞ്ചായത്ത് പ്രസിഡന്റ് വി.വി സുഹറ റസാഖ് അധ്യക്ഷയായി. പഞ്ചായത്ത് വൈസ് പ്രസിഡന്റ് കെ.വി സിദ്ദീഖ്, സ്‌കൂള്‍ പ്രധാനാധ്യാപകന്‍ പി.എ പ്രേമചന്ദ്രന്‍, ബ്ലോക്ക് പഞ്ചായത്തംഗം എ. അശോകന്‍, കെ.ടി ശശി, കെ.വി നാരായണന്‍കുട്ടി, വി.സി കമലം, പി.പി അബ്ദുറഹ്മാന്‍ പ്രസംഗിച്ചു. കണ്‍വീനര്‍ കെ.ടി സജിത്ത് സ്വാഗതവും ഖോ-ഖോ അസോസിയേഷന്‍ ജില്ലാ വൈസ് പ്രസിഡന്റ് കെ. ഗിരീഷ് നന്ദിയും പറഞ്ഞു.