തിരുവനന്തപുരം: തിരുവനന്തപുരം-മംഗലാപുരം എക്‌സ്പ്രസ് കറുകുറ്റിക്ക് സമീപം പാളം തെറ്റി. പുലര്‍ച്ചെ 2.55നാണ് സംഭവം. ട്രെയിനിന്റെ 12 കോച്ചുകളാണ് പാളം തെറ്റിയത്. ആര്‍ക്കും അപകടം പറ്റിയതായി റിപ്പോര്‍ട്ട് ചെയ്തിട്ടില്ല.

ട്രാക്കിന്റെ ഒരു ഭാഗം തെറിച്ചുപോയ നിലയിലാണ്. എസ്. മൂന്നു മുതല്‍ എസ് 12 വരെയുള്ള സ്ലീപ്പര്‍ കോച്ചുകളും എ1, ബി1 എന്നീ കോച്ചുകളാണ് പാളം തെറ്റിയത്. യാത്രക്കാരെല്ലാം സുരക്ഷിതരാണെന്ന് റെയില്‍വേ അറിയിച്ചു.

യാത്രക്കാരെ കറുകുറ്റിയില്‍ നിന്നും ബസ്സില്‍ എറണാകുളത്തും തൃശ്ശൂരിലുമെത്തിച്ചു. സംഭവത്തില്‍ റെയില്‍വേ അന്വേഷണം പ്രഖ്യാപിച്ചു. ദീര്‍ഘദൂര ട്രെയിനുകള്‍ വഴി തിരിച്ചുവിട്ടു. ചില ട്രെയിനുകള്‍ റദ്ദാക്കി.

റെയില്‍വേ ഹെല്‍പ്പ് ലൈന്‍ തിരുവനന്തപുരം: 0471-2320012, തൃശൂര്‍: 0471-2429241