പരാതിക്കാരിൽ നിന്നും കൈക്കൂലി വാങ്ങി; മൂന്ന് എസ്.ഐമാർക്ക് സസ്‌പെൻഷൻ

ഇടുക്കി: പരാതിക്കാരിൽ നിന്നും കൈക്കൂലി വാങ്ങിയെന്ന പരാതിയിൽ മൂന്ന് എസ്.ഐമാർക്ക് സസ്‌പെൻഷൻ. ഇടുക്കി പെരുവന്താനം പൊലിസ് സ്റ്റേഷനിലെ എസ്.ഐമാർക്കാണ് സസ്പെൻഷൻ ലഭിച്ചത്. എസ്.ഐ ബിജു പി. ജോർജ് ഗ്രേഡ് എസ്.ഐ മാരായ സാലി പി, ബഷീർ പി.എച്ച് ഹനീഷ്, എന്നിവരെയാണ് സസ്പെൻറ് ചെയ്തത്.

പരാതിക്കാരിൽ നിന്നും കൈക്കൂലി വാങ്ങിയെന്ന കണ്ടെത്തലിനെ തുടർന്നാണ് മൂന്ന് പേരെയും സസ്‌പെൻഡ് ചെയ്തത്. ജില്ലാ പൊലിസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഐജി പുട്ട വിമാദിത്യയാണ് മൂന്ന് പേർക്കെതിരെയും നടപടിയെടുത്തത്.