ഡല്‍ഹി:  ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ ജയിലില്‍ ഇന്‍സുലിന്‍ അനുവദിക്കണമെന്ന് ആവശ്യപ്പെട്ട് നല്‍കിയ ഹരജിയില്‍ ഇന്നു വിധി പറയും. ഡല്‍ഹി റൗസ് അവന്യു കോടതിയാണ് വിധിപറയുക. താന്‍ തീവ്ര പ്രമേഹരോഗിയാണെന്നും അതിനാല്‍ ഇന്‍സുലിന്‍ അത്യാവശ്യമാണെന്നുമായിരുന്നു കെജ്‌രിവാള്‍ വാദിച്ചത്.

എന്നാല്‍ ജയിലിലെ ആഹാരക്രമമാണ് ഷുഗര്‍ ലെവല്‍ വര്‍ധിപ്പിച്ചത് എന്നായിരുന്നു ഇ.ഡിയുടെ മറുപടി. സ്ഥിരമായി മാങ്ങയും ഉരുളക്കിഴങ്ങും കഴിച്ചതും ഷുഗര്‍ ലെവല്‍ വര്‍ധിക്കാന്‍ കാരണമായെന്നും ഇ.ഡി കോടതിയില്‍ വാദിച്ചു. നിലവില്‍ ജുഡീഷ്യല്‍ കസ്റ്റഡിയില്‍ തിഹാര്‍ ജയിലില്‍ കഴിയുന്ന കെജിരിവാളിന്റെ കസ്റ്റഡി കാലാവധി നാളെ അവസാനിക്കും.