മൈസൂര്‍ കൊട്ടാരം (അംബ വിലാസ് പാലസ്)

നഗരത്തിന്റെ ഹൃദയഭാഗത്തായി സ്ഥിതിചെയ്യുന്ന നിരവധി സഞ്ചാരികളെ ആകര്‍ഷിക്കുന്ന അതിമനോഹരമായ മൈസൂര്‍ കൊട്ടാരം (അംബാ വിലാസ് പാലസ്) മൈസൂര്‍ നഗരത്തിലെ മനോഹരമായ ഒരു സ്മാരകമാണ്. ലോകത്തിലെ വിവിധ കോണുകളില്‍ നിന്നുള്ള കലാസൃഷ്ടികള്‍ ഇവിടെയുണ്ട്. താഴികക്കുടങ്ങള്‍, ഗോപുരങ്ങള്‍, കോളനഡുകള്‍, കമാനങ്ങള്‍ എന്നിവയില്‍ വ്യതിരിക്തവും സങ്കീര്‍ണവുമായ പാറ്റേണുകളുള്ള ഒരു ഇന്‍ഡോ- സരസെനിക് വാസ്തുവിദ്യാ ശൈലിയിലാണ് ഇത് നിര്‍മിച്ചിരിക്കുന്നത്. മൈസൂര്‍ കൊട്ടാരം ഈ സവിശേഷതകള്‍ക്കും അതിന്റെ ചടുലമായ ദസറ ആഘോഷങ്ങള്‍ക്കും ലൈറ്റ് ആന്റ് സൗണ്ട് ഡിസ്‌പ്ലേയ്ക്കും  പേരുകേട്ടതാണ്. പ്രസിദ്ധമായ മൈസൂര്‍ കൊട്ടാരം സന്ദര്‍ശിച്ചില്ലെങ്കില്‍ മൈസുരുവിലേക്കുള്ള യാത്ര പൂര്‍ണമെന്നു പറയാനാവില്ല.  

ജഗന്‍ മോഹന്‍ കൊട്ടാരം

മൈസൂരിലെ ഏഴു കൊട്ടാരങ്ങളിലൊന്നാണ് ജഗന്‍മോഹന്‍ കൊട്ടാരം. പത്തൊമ്പതാം നൂറ്റാണ്ടിലെ ഈ ഹൈന്ദവ ശൈലിയിലുള്ള കൊട്ടാരം തീപിടിച്ച് പഴയ മൈസൂര്‍ കൊട്ടാരം നശിപ്പിക്കുകയും പുതിയ കൊട്ടാരം നിര്‍മിക്കുമ്പോള്‍ രാജകുടുംബത്തിന്റെ വസതിയായി പ്രവര്‍ത്തിക്കുകയും ചെയ്തപ്പോള്‍ നിര്‍മിച്ചതാണ്. 
ഗ്ലോ ഓഫ് ഹോപ്പ് എന്നറിയപ്പെടുന്ന ലേഡി വിത്ത് ദ ലാമ്പിനെ കുറിച്ച് കേട്ടിട്ടുണ്ടോ ഒരു കൈയില്‍ കത്തിച്ച വിളക്കുമായി പരമ്പരാഗത വസ്ത്രം ധരിച്ച ഒരു ഇന്ത്യന്‍സ്ത്രീയെ ചിത്രീകരിക്കുന്നു. ജഗന്‍മോഹന്‍ പാലസ് ആര്‍ട്ട് ഗാലറിയിലെ ഇരുണ്ട മുറിയിലാണ് ഈ കലാസൃഷ്ടി ഇപ്പോള്‍ പ്രദര്‍ശിപ്പിച്ചിരിക്കുന്നത്. വിളക്കിന്റെ പ്രകാശത്താല്‍ സ്ത്രീയുടെ മുഖം പ്രകാശിക്കുന്നതായി ഈ ചിത്രം ഒരു മിഥ്യ നല്‍കുന്നു. ഇത് കാണുക. നമ്മള്‍ ആശ്ചര്യപ്പെടും.

ചാമുണ്ഡേശ്വരി ക്ഷേത്രം

മൈസൂര്‍ നഗരത്തിലെ മറ്റൊരു പ്രാധാന ആകര്‍ഷണം ചാമുണ്ഡി ക്ഷേത്രമാണ്. ചാമുണ്ഡി കുന്നിന്റെ പേരിലുള്ള മലയുടെ നെറുകയിലാണ് ഈ ക്ഷേത്രം സ്ഥിതി ചെയ്യുന്നത്. ദക്ഷിണേന്ത്യയിലെ ഏറ്റവും പ്രശസ്തമായ ക്ഷേത്രങ്ങളില്‍ ഒന്നാണ്. 

മഹിഷാസുര പ്രതിമ
ചാമുണ്ഡി കുന്നിന് സമീപം മഹിഷാസുരന്‍ എന്ന അസുരന്റെ കൂറ്റന്‍ പ്രതിമയും ഉണ്ട്. 

ലളിത മഹല്‍കൊട്ടാരം

ചാമുണ്ഡി കുന്നിന്റെ താഴ് വരയില്‍ താഴ്ന്ന കുന്നിന്‍ മുകളില്‍ സ്ഥിതിചെയ്യുന്നു. 1921 ല്‍ നിര്‍മിച്ച ലളിത മഹല്‍ കൊട്ടാരം മൈസൂരുവിലെ രണ്ടാമത്തെ വലയി കൊട്ടാരമാണ്.

കൃഷ്ണരാജ സാഗര
കെആര്‍എസ് എന്നറിയപ്പെടുന്ന കൃഷ്ണരാജ സാഗര മൈസൂരുവിന് തൊട്ടപ്പുറത്ത് ഒരു അണക്കെട്ട് സൃഷ്ടിച്ച തടാകമാണ്.  ൗ അണക്കെട്ട് 48 ഓട്ടോമാറ്റിക് ഗേറ്റുകള്‍ക്ക് പേരുകേട്ടതാണ്. അതിനോട് ചേര്‍ന്ന അലങ്കാര ബൃന്ദാവന്‍ ഗാര്‍ഡന്‍സുമുണ്ട്. 

ബൃന്ദാവന്‍ ഗാര്‍ഡന്‍
പൂക്കളാലും ചെടികളാലും മനോഹരമായ പൂന്തോട്ടങ്ങള്‍ക്ക് പേരുകേട്ടതാണ്. ഇത് സംഗീത ജലധാരയ്ക്കും പേരുകേട്ടിട്ടുണ്ട്. 

സെന്റ് ഫിലോമിനാസ് കത്തീഡ്രല്‍
മൈസുരുവില്‍ സന്ദര്‍ശിക്കാന്‍ ഏഷ്യയിലെ ഏറ്റവും ഉയരം കൂടിയ ഈ ദേവാലയം കത്തോലിക്ക വിശുദ്ധയായ ഫിലോമിനയുടെ ബഹുമാനാര്‍ഥം സ്ഥാപിച്ചതാണ്. 

ഓറിയന്റല്‍ റിസര്‍ച്ച് ഇന്‍സ്റ്റിറ്റ്യൂട്ട്
1891ല്‍ സ്ഥാപിതമായ ഈ സ്ഥാപനം മുമ്പ് ഓറിയന്റല്‍ ലൈബ്രറി എന്നറിയപ്പെട്ടിരുന്നു. 45000 അധികം താളിയോല കൈയെഴുത്തു പ്രതികളും രാമായണം, മഹാഭാരതം ഒരു വേദ കോണ്‍കോര്‍ഡന്‍സ് എന്നിവയുടെ അപൂര്‍വ പതിപ്പുകളും ഉണ്ട്.

ശ്രീരംഗ പട്ടണം
മൈസുരുവില്‍ നിന്ന് 20 കിലോമീറ്റര്‍ അകലെ സ്ഥിതി ചെയ്യുന്ന ഈ പട്ടണം ഹൈദരാലിയുടെയും ടിപ്പുസുല്‍ത്താന്റെയും കാലത്ത് മൈസൂരിന്റെ തലസ്ഥാനമായിരുന്നു. ശ്രീരംഗ പട്ടണം കോട്ട, ശ്രീ രംഗനാഥസ്വാമി ക്ഷേത്രം, ഡാരിയ ദൗലത്ത് ബാഗ്, ടിപ്പുസുല്‍ത്താന്‍ ഗുംബസ്, വെല്ലസ് ളിബ്രിഡ്ജ,് കരിഘട്ട വ്യൂ പോയിന്റ്, ഗാരിസണ്‍ സെമിത്തേരി, സ്‌കോട്ട്‌സ് ബംഗ്ലാവ് എന്നിവ നിങ്ങള്‍ ഇവിടെയായിരിക്കുമ്പോള്‍ സന്ദര്‍ശിക്കേണ്ടതാണ്. 

 

മൈസൂര്‍ മൃഗശാല
മൈസൂര്‍ കൊട്ടാരത്തില്‍ നിന്ന് 2 കിലോ മീറ്റര്‍ അകലെ സ്ഥിതിചെയ്യുന്ന ഈ മൃഗശാല 1892ല്‍ ചാമരാജേന്ദ്ര വാദിയാര്‍ ബഹദൂര്‍ സ്ഥാപിച്ചതാണ്. രാജ്യത്തെ ഏറ്റവും പഴക്കം ചെന്ന സുവോളജിക്കല്‍ പാര്‍ക്കുകളിലൊന്നാണിത്. 
കരയിലെ പക്ഷികള്‍ മുതല്‍ വലുതും ചെറുതുമായ പൂച്ചകള്‍ വരെ പ്രൈമേറ്റുകള്‍ മുതല്‍ ഉരഗങ്ങള്‍ വരെ, മൃഗശാലയില്‍ നിങ്ങള്‍ക്ക് 168 ഇനം ജന്തുജാലങ്ങളെ കണ്ടെത്താന്‍ കഴിയും.