ശാസ്ത്ര ലോകത്തിന് അത്ഭുതമായി വീണ്ടും ജയിംസ് വെബ്. ഇത്തവണ 740 ദശലക്ഷം വർഷങ്ങൾ പഴക്കമുള്ള ഭീമൻ തമോഗർത്തങ്ങളുടെ ലയന ദൃശ്യമാണ് ജെയിംസ് വെബ് ടെലിസ്കോപ്പ് പകർത്തിയത്. ഭൂമിയിൽ നിന്ന് ഏറ്റവും അകലെയുള്ള ദൃശ്യമാണിത്. 2021 ഡിസംബർ 25നാണ് ഏരിയൽ ഫൈവ് റോക്കറ്റിൽ വെബ് വിക്ഷേപിച്ചത്. ശേഷം രണ്ടു വർഷങ്ങൾക്കു മുൻപ് ജൂലൈ 11ന് ടെലിസ്കോപ്പ് ആദ്യ ചിത്രം പുറത്തുവിട്ടു.

സൂര്യനേക്കാൾ അഞ്ചുകോടി മടങ്ങ് മാസുള്ള തമോഗർത്തങ്ങൾ ആണ് കൂട്ടിയിടിക്കുന്നത്. ഇവ വാതകങ്ങളാൽ പൊതിഞ്ഞു മൂടി കിടക്കുന്നതിനാൽ ഇതിന്റെ മാസ് കൃത്യമായി മനസ്സിലാക്കുക ബുദ്ധിമുട്ടാണ്. എന്നാൽ തമോഗർത്തങ്ങൾക്ക് എങ്ങനെയാണ് ഇത്ര മാസ് സാധ്യമാകുന്നതെന്ന് പഠിക്കാനുള്ള ശ്രമമാണിപ്പോൾ നടന്നുകൊണ്ടിരിക്കുന്നത്. ഇതിലൂടെ ഗ്യാലക്സിയെ കുറിച്ചുള്ള വിശദ പഠനവും സാധ്യമാകും.

തമോഗർത്തങ്ങളുടെ വലിപ്പവും ലയനവും തമ്മിൽ ബന്ധമുണ്ടോ എന്നും ശാസ്ത്രലോകം പഠന വിധേയമാക്കുകയാണ്. റോയൽ അസ്ട്രോണമിക്കൽ സൊസൈറ്റി യുടെ മന്ത്ലി നോട്ടീസസിലാണ് പുതിയ പഠനങ്ങൾ പ്രസിദ്ധീകരിച്ചിട്ടുള്ളത്. ജെയിംസ് വെബിന്റെ സംഭാവന ബഹിരാകാശ പഠനത്തിന് കരുത്താകുകയാണ്. കഴിഞ്ഞ വർഷം ജെയിംസ് വെബ് വിദൂര സൗരയൂഥത്തിന് പുറത്തുള്ള ഗ്രഹത്തിൻ്റെ അന്തരീക്ഷത്തിൽ ജീവൻ്റെ സൂചനകൾ കണ്ടെത്തിയതായി റിപ്പോർട്ട് ചെയ്യപ്പെട്ടിരുന്നു.