അണ്ടർ 19 ഏകദിനത്തിൽ ഇംഗ്ലണ്ടിനെതിരെ സെഞ്ച്വറി നേടി യുവതാരം വൈഭവ് സൂര്യവംശി. 73 പന്തിൽ 143 റൺസ് നേടിയാണ് വൈഭവ് തിളങ്ങിയത്. 13 കൂറ്റൻ സിക്സുകളും 10 ഫോറുകളും ആണ് താരം അടിച്ചെടുത്തത്. 52 പന്തിൽ നിന്നുമാണ് താരം സെഞ്ച്വറി പൂർത്തിയാക്കിയത്. ഇതോടെ അണ്ടർ 19 ഏകദിനത്തിൽ സെഞ്ച്വറി നേടുന്ന ഏറ്റവും പ്രായം കുറഞ്ഞ താരമായി മാറാനും വൈഭവിന് സാധിച്ചു. പരമ്പരയിൽ ഉടനീളം വൈഭവ് മികച്ച പ്രകടനമാണ് പുറത്തെടുത്തത്. 

കഴിഞ്ഞ മത്സരത്തിലും താരം വെടിക്കെട്ട് ബാറ്റിംഗ് പ്രകടനം പുറത്തെടുത്തിരുന്നു. 31 പന്തിൽ 86 റൺസ് നേടിയാണ് വൈഭവ് തിളങ്ങിയത്. ആറ് ഫോറുകളും ഒമ്പത് കൂറ്റൻ അടങ്ങുന്നതായിരുന്നു താരത്തിന്റെ പ്രകടനം. ഈ പ്രകടനം നടത്തിയതോടെ അണ്ടർ 19 ഏകദിനത്തിൽ ഇന്ത്യയ്ക്ക് വേണ്ടി ഒരു മത്സരത്തിൽ ഏറ്റവും കൂടുതൽ സിക്സറുകൾ നേടുന്ന താരമായി മാറാനും വൈഭവിന് സാധിച്ചിരുന്നു.

രാജ് ഭാവ, മന്ദീപ് സിംഗ് എന്നിവരെ മറികടന്നു കൊണ്ടാണ് വൈഭവ് ഈ നേട്ടത്തിലേക്കെത്തിയത്. ഇരുവരും എട്ടു സിക്സുകളാണ് ഒരു മത്സരത്തിൽ നേടിയിട്ടുള്ളത്. രാജ്‌ ഭാവ ഉഗാണ്ട അണ്ടർ 19 ടീമിനെതിരെ 2022ലാണ് എട്ട് സിക്സുകൾ നേടിയത്. 2009ൽ ഓസ്ട്രേലിയ അണ്ടർ 19 ടീമിനെതിരെയാണ് മന്ദീപ് സിംഗ് എട്ട് സിക്സുകൾ നേടിയത്. എന്നാൽ ഇപ്പോൾ 13 സിക്‌സറുകൾ പറത്തി വീണ്ടും തന്റെ തന്നെ ഈ റെക്കോർഡ് മറികടന്നിരിക്കുകയാണ് വൈഭവ്. 

Vaibhav Suryavanshi scored a century against England in the Under-19 ODI Vaibhav shone by scoring 143 runs in 73 balls The player hit 13 huge sixes and 10 fours The player completed his century in 52 balls