HOME
DETAILS

ആകാശത്ത് അപൂർവ്വ കാഴ്ച; ജൂൺ മൂന്നിനായി കാത്തിരുന്ന് ശാസ്ത്ര ലോകം

  
Web Desk
May 28 2024 | 16:05 PM

A rare sight in the sky on 3rd june

ഈ വരുന്ന ജൂൺ മൂന്നിന് ആകാശത്തുള്ള അപൂർവ കാഴ്ചക്കായി കാത്തിരിക്കുകയാണ് ശാസ്ത്രലോകം. ആറ് ഗ്രഹങ്ങൾ ഒന്നിച്ച് അണിനിരക്കുന്ന സുവർണ്ണ കാഴ്ചയാണ് കാത്തിരിക്കുന്നത്. പ്ലാനറ്റ് പരേഡ് എന്നാണ് ഈ പ്രതിഭാസം അറിയപ്പെടുന്നത്. യുറാനസ്, നെപ്ട്യൂൺ, ശനി, വ്യാഴം, ചൊവ്വ, ബുധൻ എന്നീ പ്ലാനറ്റുകൾ ദീർഘവൃത്താകൃതിയിലുള്ള ഭ്രമണപദത്തിൽ സൂര്യനെ ചുറ്റുമ്പോൾ ഭൂമിയിൽ നിന്നു നോക്കുമ്പോൾ അവ നേർരേഖയിലൂടെ സഞ്ചരിക്കുന്നതാണ് ദൃശ്യമാവുക. വരുന്ന ജൂൺ മൂന്നിന് ഇത് കാണാം.

ചെറിയ നേരത്ത് സംഭവിക്കുന്ന ഈ പ്രതിഭാസം ബൈനോക്കുലർ സഹായത്തോടെ കാണാം എന്നാണ് ശാസ്ത്രജ്ഞർ പറയുന്നത്. ഭൂപ്രദേശങ്ങളെ അപേക്ഷിച്ച് ഇതിന് മാറ്റം ഉണ്ടാവാം. ചിലയിടങ്ങളിൽ ജൂൺ മൂന്നിന് മുൻപോ ചിലയിടങ്ങളിൽ ശേഷമോ ആവും ദൃശ്യമാവുക. സൂര്യോദയത്തിന് മണിക്കൂറുകൾക്ക് മുൻപ് ഇത് കാണാം. ഓസ്ട്രേലിയയിലെ സിഡ്നിയിൽ മേയ് 28ന് 59 ഡിഗ്രി കോണിൽ ഇത് ദൃശ്യമാവും എന്നാണ് കരുതപ്പെടുന്നത്.

വരുന്ന ഓഗസ്റ്റ് 28 നും സമാനമായ രീതിയിൽ പ്ലാനറ്റ് പരേഡ് കാണാനാവും. ഇതിനു ശേഷം 2025 ഫെബ്രുവരി 28നാണ് ഈ പ്രതിഭാസം ദൃശ്യമാവുക. അന്ന് ഏഴ് ഗ്രഹങ്ങളെ ഒരുമിച്ച് കാണാം എന്നാണ് ശാസ്ത്രലോകം പറയുന്നത്. നെപ്ട്യൂൺ, യുറാനസ്, ശനി, വ്യാഴം, ചൊവ്വ, ശുക്രൻ, ബുധൻ എന്നീ ഗ്രഹങ്ങൾ ആണവ.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."