പെരിന്തല്‍മണ്ണ: കുടിവെള്ളം മലിനപ്പെടുത്തിയ സംഭവത്തില്‍ ബുദ്ധിമുട്ടിയ ഏലംകുളം പഞ്ചായത്തിലെ പത്താം വാര്‍ഡ് ആറാട്ടുകുന്ന് കോളനി മഞ്ഞളാംകുഴി അലി എം.എല്‍.എ സന്ദര്‍ശിച്ചു.
 കോളനിയിലെ പ്രശ്‌നങ്ങള്‍ നേരിട്ടു മനസിലാക്കാനെത്തിയ എം.എല്‍.എയെ കുരുത്തോലകള്‍ കൊണ്ട്ണ്ട അലങ്കരിച്ച് കോളനി നിവാസികള്‍ സ്വീകരിച്ചു.
കോളനി മുഴുവന്‍ ചുറ്റിക്കണ്ടണ്ട എം.എല്‍.എ പ്രദേശവാസികളുടെ പരാതികള്‍ കേട്ടു. ആറാട്ടുകുന്ന് കോളനി നിവാസികള്‍ വെള്ളമെടുക്കുന്ന പൊതുകിണര്‍ സംരക്ഷിക്കാന്‍ സംവിധാനം ഉണ്ടണ്ടാക്കുമെന്നും ഭീഷണിയിലും കള്ളക്കേസില്‍ ഉള്‍പ്പെടുത്തിയ സംഭവത്തിലും നിയമപരമായ പരിരക്ഷ നല്‍കാന്‍ പൊലിസിനും ബന്ധപ്പെട്ട അധികാരികള്‍ക്കും നിര്‍ദേശം നല്‍കുമെന്നും മഞ്ഞളാംകുഴി അലി എം.എല്‍.എ ഉറപ്പുനല്‍കി.
ജില്ലാ പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷ കെ.പി ഹാജറുമ്മ ടീച്ചര്‍, പഞ്ചായത്ത് മുസ്‌ലിം ലീഗ് സെക്രട്ടറി നാലകത്ത് ഷൗക്കത്ത്, കുയിലന്‍ മുഹമ്മദലി, കെ. അലി മാസ്റ്റര്‍, കെ.ടി ബക്കര്‍ മാസ്റ്റര്‍, കുഞ്ഞാപ്പ മാസ്റ്റര്‍, പി.കെ ഉമ്മര്‍, ഉണ്ണീന്‍കുട്ടി ചോലക്കല്‍, നഹാസ് പാറക്കല്‍, ടി. ഷൈഷാദ്, സലീം ഇയ്യംമട, കുറുവക്കുന്നന്‍ മുഹമ്മദ് അലി, ടി. മമ്മു, വിജയകുമാര്‍, സുകുമാരന്‍ എന്നിവരും എം.എല്‍.എയോടൊപ്പമുണ്ടണ്ടായിരുന്നു.