കണ്ണൂര്‍: റോഡരികില്‍ നിന്ന് വീണ്ടും സ്റ്റീല്‍ ബോംബ് കണ്ടെടുത്തു. ന്യൂമാഹി പെരിങ്ങാടിയിലെ റോഡരികില്‍ നിന്നാണ് സ്റ്റീല്‍ ബോംബ് കണ്ടെത്തിയത്. 

ഇന്നലെ കൂത്തുപറമ്പിലും സ്റ്റീല്‍ ബോംബ് കണ്ടെത്തിയിരുന്നു.ആളൊഴിഞ്ഞ പറമ്പില്‍ നിന്നായിരുന്നു ഇന്നലെ ബോംബുകള്‍ കണ്ടെത്തിയിരുന്നു. എരഞ്ഞോളിയില്‍ നടന്ന ബോംബ് സ്‌ഫോടനത്തിന്റെ പശ്ചാത്തലത്തില്‍ നടത്തിയ തെരച്ചിലിലാണ് ബോംബ് കണ്ടെത്തിയത്.

ആള്‍ താമസമില്ലാത്ത വീട്ടുപറമ്പില്‍ നിന്ന് തേങ്ങ എടുക്കുന്നതിനിടയില്‍ എരഞ്ഞോളി കുടക്കളത്ത് സ്റ്റീല്‍ ബോംബ് പൊട്ടിത്തെറിച്ച് 85കാരന്‍ ചൊവ്വാഴ്ച കൊല്ലപ്പെട്ടിരുന്നു. തുടര്‍ന്ന് കണ്ണൂര്‍ ജില്ലയിലെ വിവിധ സ്ഥലങ്ങളില്‍ പൊലീസ് വ്യാപക പരിശോധന നടത്തിയിരുന്നു.