തിരുവനന്തപുരം: കർഷകർക്ക് കൂടുതൽ ഇളവുകൾനൽകി ലൈവ് സ്റ്റോക്ക് ഫാം ചട്ടം  ഭേദഗതിചെയ്ത് സർക്കാർ. ഏറെ ഇളവുകൾ നൽകിക്കൊണ്ടുള്ള ഭേദഗതി ചട്ടങ്ങൾ വിജ്ഞാപനം ചെയ്തു. അഞ്ചിലധികം മൃഗങ്ങളുള്ള കന്നുകാലി ഫാം നടത്തുന്നതിന് ലൈസൻസ് ആവശ്യമാണെന്നതായിരുന്നു നിലവിലെ വ്യവസ്ഥ. ഈ വ്യവസ്ഥ 10ലധികം മൃഗങ്ങളുള്ള കന്നുകാലി ഫാമിന് ലൈസൻസ് ആവശ്യമാണ് എന്നാക്കി മാറ്റി.

10 കന്നുകാലികളെ വരെ തദ്ദേശ സ്വയംഭരണ സ്ഥാപനങ്ങളുടെ ലൈസൻസില്ലാതെ കർഷകർക്ക് വളർത്താനാവും. ആട് ഫാമിൽ 20 എന്നത് 50 ആയും മുയൽ ഫാമിൽ 25 എന്നത് 50 ആയും പൗൾട്രി ഫാമിൽ 100 എന്നത് 500 ആയും ഉയർത്തി. കർഷകരുടെ ദീർഘകാലത്തെ ആവശ്യത്തിനാണ് സർക്കാർ പരിഹാരംകണ്ടിരിക്കുന്നതെന്ന് മന്ത്രി എം.ബി രാജേഷ് പറഞ്ഞു. അഞ്ചിൽ കൂടുതൽ പന്നികളുള്ള ഫാമിന് ലൈസൻസ് വേണമെന്ന നിബന്ധനയിൽ മാറ്റംവരുത്തിയിട്ടില്ല.

The Kerala government has amended the Live Stock Farm Rules to provide more relief to farmers. The new rules, which offer several concessions, have been notified. Farmers can now raise up to 10 dairy animals without a license from local self-government institutions