തിരുവനന്തപുരം: സംസ്ഥാനത്ത് ഐ.പി.എസ് തലപ്പത്ത് അഴിച്ചുപണി. ഏഴ് എസ്.പിമാര്‍ക്കും രണ്ട് കമ്മിഷണര്‍മാര്‍ക്കുമാണ് മാറ്റം. കോഴിക്കോട് പൊലിസ് കമ്മിഷണര്‍ രാജ്പാല്‍ മീണയെ കണ്ണൂരിലേക്കു മാറ്റി. വയനാട് ജില്ലാ പൊലിസ് മേധാവി ടി.നാരായണനാണ് പുതിയ കോഴിക്കോട് കമ്മിഷണര്‍. തപോസ് ബസുമത്താരിയാണ് പുതിയ വയനാട് എസ്പി. കോട്ടയം എസ്പി കെ.കാര്‍ത്തിക്കിനെ വിജിലന്‍സ് ആന്റി കറപ്ഷന്‍ ബ്യൂറോ (ഹെഡ്ക്വാര്‍ട്ടേഴ്സ്) എസ്.പിയായി നിയമിച്ചു. എ.ഷാഹുല്‍ ഹമീദാണ് പുതിയ കോട്ടയം എസ്.പി. ആലപ്പുഴ എസ്.പി ചൈത്ര തെരേസാ ജോണിനെ കൊല്ലം സിറ്റി പൊലിസ് കമ്മിഷണറായി നിയമിച്ചു. എം.പി.മോഹനചന്ദ്രനാണ് ആലപ്പുഴ പുതിയ എസ്.പി.

എറണാകുളം ആന്റി ടെററിസ്റ്റ് സ്‌ക്വാഡ് എസ്.പി സുജിത് ദാസിനെ പത്തനംതിട്ട എസ്.പിയായി നിയമിച്ചു. ഡി.ശില്‍പയാണ് കാസര്‍കോട്ടെ പുതിയ പൊലീസ് മേധാവി. തിരുവനന്തപുരം ഡി.സി.പി പി.നിഥിന്‍ രാജിനെ കോഴിക്കോട് റൂറല്‍ എസ്.പിയായും കോഴിക്കോട് ഡി.സി.പി അനുജ് പലിവാളിനെ കണ്ണൂര്‍ റൂറല്‍ എസ്.പിയായും നിയമിച്ചു. ബി.വി.വിജയ് ഭാരത് റെഡ്ഡിയാണ് പുതിയ തിരുവനന്തപുരം ഡി.സി.പി.