എന്‍ഫോഴ്‌സ്‌മെന്റ് ഡയറക്ടറേറ്റ് ആക്ടിംഗ് മേധാവി രാഹുല്‍ നവിനെ എന്‍ഫോഴ്‌സ്‌മെന്റ് ഡയറക്ട്രേറ്റ് (ED) മുഴുവന്‍ സമയ ഡയറക്ടറായി കേന്ദ്രം ബുധനാഴ്ച നിയമിച്ചു.

എന്‍ഫോഴ്‌സ്‌മെന്റ് ഡയറക്ടറേറ്റില്‍ സ്‌പെഷ്യല്‍ ഡയറക്ടറായി സേവനമനുഷ്ഠിച്ചുവന്ന ശ്രീ രാഹുല്‍ നവിന്‍ ഐആര്‍എസ് നെ എന്‍ഫോഴ്‌സ്‌മെന്റ് ഡയറക്ടറായി നിയമിക്കുന്നതിന് മന്ത്രിസഭയുടെ അപ്പോയിന്റ്‌മെന്റ് കമ്മിറ്റി അംഗീകാരം നല്‍കിയിട്ടുണ്ട്. രണ്ട് വര്‍ഷ കാലയളവിലേക്കാണ് നിയമനമെന്ന് ഡിപ്പാര്‍ട്ട്‌മെന്റ് ഓഫ് പേഴ്‌സണല്‍ & ട്രെയിനിംഗില്‍ നിന്നുള്ള ഉത്തരവില്‍ പറയുന്നു.

57 കാരനായ നവിന്‍ 2019 നവംബറിലാണ് ED യില്‍ സ്‌പെഷ്യല്‍ ഡയറക്ടറായി ചേര്‍ന്നത്. ഇഡിയുടെ ഇടക്കാല തലവനായ നവിന്റെ കാലാവധി, ഡല്‍ഹി മുഖ്യമന്ത്രി അരവിന്ദ് കെജ്‌രിവാളിനെയും ജാര്‍ഖണ്ഡ് മുഖ്യമന്ത്രി ഹേമന്ത് സോറനെയും വെവ്വേറെ കള്ളപ്പണം വെളുപ്പിക്കല്‍ കേസുകളില്‍ അറസ്റ്റ് ചെയ്തതിനെത്തുടര്‍ന്നാണ് ഉയര്‍ന്നത്.

1993 ബാച്ചിലെ ഐആര്‍എസ് ഉദ്യോഗസ്ഥനായ രാഹുല്‍ നവീന്‍ ഐ.ആര്‍.എസ് കഴിഞ്ഞ വര്‍ഷം സെപ്റ്റംബറിലാണ് ഇഡിയുടെ ആക്ടിംഗ് ഡയറക്ടറായി ചുമതലയേറ്റത്. മുന്‍ ED ഡയറക്ടര്‍ സഞ്ജയ് കുമാര്‍ മിശ്രയുടെ കാലാവധി തുടര്‍ച്ചയായി നീട്ടിയത് നിയമവിരുദ്ധമായാണ് എന്ന സുപ്രീം കോടതി വിധിയെ തുടര്‍ന്നാണ് കേന്ദ്രം അദ്ദേഹത്തെ ആക്ടിംഗ് ഇഡി മേധാവിയായി നിയമിച്ചത്. മിശ്രയെ ആവര്‍ത്തിച്ച് നീട്ടണമെന്ന കേന്ദ്ര സര്‍ക്കാരിന്റെ ആവശ്യത്തെ വിമര്‍ശിച്ച സുപ്രീം കോടതി നിലവിലെ മേധാവി ഒഴികെ മുഴുവന്‍ വകുപ്പും കഴിവില്ലാത്ത ആളുകളെക്കൊണ്ട് നിറഞ്ഞതാണോ എന്ന് പരിഹസിക്കുകയും ചെയ്തു.

Rahul Navin, an Indian Revenue Service (IRS) officer, has been appointed as the Director of the Enforcement Directorate (ED) for a tenure of two years. This significant appointment aims to strengthen the ED's efforts in combating financial crimes.