മഞ്ചേരി: ഇന്ത്യന്‍ ആര്‍മിയിലെ ഉദ്യോഗസ്ഥനെ അപായപ്പെടുത്താന്‍  ശ്രമിച്ച കേസിലെ പ്രതികള്‍ മഞ്ചേരി പൊലിസിന്റെ പിടിയിലായി.
മഞ്ചേരി മേലാക്കം കോഴിക്കാട്ടുകുന്ന് സ്വദേശികളായ  നാരങ്ങാതൊടി യാസീന്‍ (22), കൊട്ടകോടന്‍ അമീന്‍ അഹ്‌സന്‍ (20), നറുകര സ്വദേശി മഠത്തില്‍പറമ്പ് നൗഷാദ്(22), മഞ്ചേരി കിടങ്ങഴി സ്വദേശി പാലാതൊടി അബ്ദുല്‍ ബാസിത്ത്(24), മഞ്ചേരി മേലാക്കം മീത്തല്‍ പറമ്പില്‍ മാനു എന്ന വിവേക് (22) എന്നിവരാണ് അറസ്റ്റിലായത്.
  ഇന്ത്യ ആര്‍മിയിലെ ജയ്പ്പൂര്‍ ഇന്‍ഡിപെന്‍ഡന്റ് റോക്റ്റ് റെഗ്‌മെന്റ് വര്‍ക്ക്‌ഷോപ്പ് യൂനിറ്റില്‍ സൈനികനായ എടവണ്ണ തിരുവാലി കാര്‍ങ്ങല്ലൂര്‍ സ്വദേശി രാമത്തുപറമ്പില്‍ സുധീഷിനെയാണു പ്രതികള്‍ അപായപ്പെടുത്താന്‍ ശ്രമിച്ചത്.  
ജൂലൈയ് ആറിനു സൈനികന്‍  നാട്ടില്‍ ലീവിനെത്തിയ സമയത്താണ് സംഭവം നടന്നത്. ഇദ്ദേഹം മഞ്ചേരിയിലൂടെ പോവുമ്പോള്‍ പ്രതികള്‍ സഞ്ചരിച്ചിരുന്ന വാഹനത്തില്‍ ഇയാളുടെ വാഹനം ഉരസിയെന്ന കാരണം പറഞ്ഞു  വാഹനം തടഞ്ഞു നിര്‍ത്തി അക്രമിക്കുകയായിരുന്നു.  
പ്രതികളിലെ അമീന്‍ അന്‍സാര്‍ നേരത്തെ കഞ്ചാവു കേസിലും പ്രതിയാണ്.
മഞ്ചേരി സി.ഐ കെ.എം ബിജുവിന്റെ നേതൃത്വത്തിലുള്ള അന്വേഷണ സംഘത്തില്‍  എസ്.ഐ എസ്.ബി കൈലാസ് നാഥ്,  ഉണ്ണികൃഷ്ണന്‍ മാരാത്ത്, ടി.പി ശ്രീകുമാര്‍, പി.സഞ്ജീവ്, സലീംരാജ് എന്നിവരുമുണ്ടായിരുന്നു.