മലപ്പുറം: കേന്ദ്ര, സംസ്ഥാന സര്‍ക്കാരുകളുടെ ജനദ്രോഹ നടപടികള്‍ക്കെതിരേ സെപ്റ്റംബര്‍ രണ്ടിന് നടക്കുന്ന പണിമുടക്ക് വിജയിപ്പിക്കാന്‍ കെ.പി.എസ്.ടി.എ ജില്ലാ കമ്മിറ്റി ആഹ്വാനം ചെയ്തു. പുനര്‍വിന്യാസം നടത്തിയ ആയിരക്കണക്കിന് അധ്യാപകര്‍ക്ക് ശമ്പളം നിഷേധിച്ച സംസ്ഥാന സര്‍ക്കാറിന്റെ നടപടിക്കെതിരേ പ്രതിഷേധിക്കാന്‍ യോഗം തീരുമാനിച്ചു.
വിലക്കയറ്റം തടയുക, രാഷ്ട്രീയ സ്ഥലംമാറ്റങ്ങള്‍ റദ്ദ് ചെയ്യുക തുടങ്ങിയ ആവശ്യങ്ങളുന്നയിച്ച് പ്രക്ഷോഭം നടത്തുമെന്ന് കെ.പി.എസ്.ടി.എ നേതാക്കള്‍ അറിയിച്ചു. യോഗം സംസ്ഥാന ഉപാധ്യക്ഷന്‍ ജോര്‍ജ് കൊളത്തൂര്‍ ഉദ്ഘാടനം ചെയ്തു. കെ അബ്ദുല്‍മജീദ് അധ്യക്ഷനായി. സംസ്ഥാന ഉപാധ്യക്ഷന്‍ വി.കെ അജിത്കുമാര്‍, റോയിതോമസ്, പി.ടി ജോര്‍ജ്, ഇ ഉദയചന്ദ്രന്‍, സി ജയേഷ്, സി.പി മോഹനന്‍, ജോജോ മാത്യു, കലയപുരം മോനച്ചന്‍ സംസാരിച്ചു.