ഹ്യൂണ്ടായ് മോട്ടോര്‍ ഇന്ത്യ ലിമിറ്റഡ് ജനപ്രിയ പ്രീമിയം എസ്.യു.വിയായ അല്‍കസാര്‍ ഫെയ്‌സ്‌ലിഫ്റ്റിന്റെ ചിത്രങ്ങള്‍  ഔദ്യോഗികമായി പുറത്തിറക്കി. സെപ്റ്റംബര്‍ 9 നാണ് കമ്പനി വാഹനം പുറത്തിറക്കുന്നത്. എസ്.യു.വിയുടെ മുന്‍വശം എച്ച് ആകൃതിയിലുള്ള പുതിയ എല്‍.ഇ.ഡി ഡേ ടൈം റണ്ണിംഗ് ലൈറ്റ് സജ്ജീകരണവും, ക്വാഡ് ബീം എല്‍.ഇ.ഡി ഹെഡ്‌ലാമ്പുകളും നല്‍കി ആകര്‍ഷകമാക്കിയിട്ടുണ്ട്. സ്‌കിഡ് പ്ലേറ്റുകളും പുനര്‍രൂപകല്‍പ്പന ചെയ്ത ഗ്രില്ലും വാഹനത്തിന് കൂടുതല്‍ ആകര്‍ഷണം നല്‍കുന്നു.

പുതിയ ക്യാരക്ടര്‍ ലൈനുകള്‍ നല്‍കി അല്‍കസാറിന്റെ സൈഡ് പ്രൊഫൈല്‍ മനോഹരമാക്കിയിട്ടുണ്ട്. 18 ഇഞ്ച് ഡയമണ്ട് കട്ട് അലോയ് വീലുകളാണ് വാഹനത്തിന് നല്‍കിയിരിക്കുന്നത്. കണക്ടഡ് എല്‍.ഇ.ഡി ടെയില്‍ ലൈറ്റുകള്‍, പുനര്‍രൂപകല്‍പ്പന ചെയ്ത ടെയില്‍ഗേറ്റ്, ഇന്റഗ്രേറ്റഡ് സ്റ്റോപ്പ് ലാമ്പ്, പുതുക്കിയ ബമ്പര്‍, സ്‌കിഡ് പ്ലേറ്റ് തുടങ്ങിയ സജ്ജീകരണങ്ങള്‍ വാഹനത്തിന്റെ പിന്‍ഭാഗത്ത് നല്‍കിയിരിക്കുന്നു.  40 സ്റ്റാന്‍ഡേര്‍ഡ് സുരക്ഷാ സവിശേഷതകള്‍ അടക്കം മൊത്തം 70 ലധികം സുരക്ഷാ സവിശേഷതകള്‍ അല്‍കസാര്‍ ഫെയ്‌സ്ഫിറ്റില്‍ ഉള്‍ക്കൊള്ളിച്ചിട്ടുണ്ട്. 

രണ്ട് എഞ്ചിന്‍ ഓപ്ഷനുകളിലായാണ് വാഹനം ലഭ്യമാകുക. 1.5 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിന്‍ 158 bhp കരുത്തും 253 Nm  ടോര്‍ക്കും ഉത്പാദിപ്പിക്കുന്നതാണ്. 113 bhp കരുത്തും 250 Nm  ടോര്‍ക്കും ഉത്പാദിപ്പിക്കുന്ന 1.5 ലിറ്റര്‍ U2 CRDI  ഡീസല്‍ എഞ്ചിന്‍ ആറ് സ്പീഡ് മാനുവല്‍ അല്ലെങ്കില്‍ ആറ് സ്പീഡ് ഓട്ടോമാറ്റിക് ട്രാന്‍സ്മിഷനുകളിലായി ലഭിക്കും.

അല്‍കസാറിന്റെ നിലവിലെ പതിപ്പിന്റെ എക്‌സസ് ഷോറൂം വില 16.77 ലക്ഷം രൂപ മുതല്‍ 21.28 ലക്ഷം രൂപ വരെയാണ്. ഫെയ്‌സ്‌ലിഫ്റ്റ് പതിപ്പിനായി ഏകദേശം 50,000 രൂപ അധികം നല്‍കേണ്ടി വരുമെന്നാണ് പ്രതീക്ഷിക്കുന്നത്. അല്‍കസാര്‍ പുതിയ പതിപ്പ് വാങ്ങാന്‍ ആഗ്രഹിക്കുന്നവര്‍ക്കുള്ള ബുക്കിംഗ് ആരംഭിച്ചിട്ടുണ്ട്. ഹ്യുണ്ടായിയുടെ ഓണ്‍ലൈന്‍ പ്ലാറ്റ്‌ഫോം വഴിയോ രാജ്യത്തുടനീളമുള്ള അംഗീകൃത ഡീലര്‍ഷിപ്പുകള്‍ സന്ദര്‍ശിച്ചോ 25,000 രൂപയ്ക്ക് വാഹനം ബുക്ക് ചെയ്യാവുന്നതാണ്.

 The official images of the Alcazar facelift have been released, giving a sneak peek into its sleek design and features. Set to launch on September 9, this updated model is highly anticipated in the automotive market, promising a fresh driving experience.