ചെന്നൈ: തമിഴ്നാട്ടിലെ സ്റ്റാർട്ടപ്പ് കമ്പനിയായ സ്പേസ് സോൺ ഇന്ത്യ വികസിപ്പിച്ച പുനരുപയോഗിക്കാവുന്ന ഹൈബ്രിഡ് റോക്കറ്റ് 'റൂമി' വിക്ഷേപിച്ചു. കോസ്മിക് റേഡിയേഷൻ തീവ്രത ഉൾപ്പെടെയുള്ള അന്തരീക്ഷ അവസ്ഥകളെ നിരീക്ഷിക്കുന്നതിനും ശേഖരിക്കുന്നതിനുമായി രൂപകൽപ്പന ചെയ്ത 3 ക്യൂബ് ഉപഗ്രഹങ്ങളുമായി കേളമ്പാക്കത്തെ മൊബൈൽ ലോഞ്ച്പാഡിൽനിന്ന് ഇന്നലെ രാവിലെ 7.15നായിരുന്നു വിക്ഷേപണം.

ഉപഗ്രഹ വിക്ഷേപണത്തിനുശേഷം ഭൂമിയിലേക്കു മടങ്ങാൻ ശേഷിയുള്ളതാണു 'റൂമി' എന്ന ചെറുറോക്കറ്റ്. 80 കിലോയാണു ഭാരം. 3 ഉപഗ്രഹങ്ങളും ഭൂമിയിൽനിന്ന് 80 കിലോമീറ്റർ അകലത്തിലുള്ള ഭ്രമണപഥത്തിലെത്തിച്ച ശേഷം റോക്കറ്റിലെ പാരച്യൂട്ടുകൾ ഉപയോഗപ്പെടുത്തി ഭൂമിയിലേക്കു തിരികെയിറങ്ങും. ആറായിരത്തോളം സ്‌കൂൾ വിദ്യാർഥികൾ നിർമാണത്തിൽ പങ്കാളിയായിട്ടുണ്ട്.

Space Zone India successfully launched its reusable hybrid rocket 'Rumi' from Kelembakkam. Weighing 80 kg, 'Rumi' deployed three CubeSats for cosmic radiation and atmospheric studies. The launch, which involved around 6,000 school students in its development, occurred at 7:15 AM. After reaching 80 km altitude, 'Rumi' will use parachutes to return safely to Earth.