ഏദന്‍: യമന്‍ തീരത്ത് അഭയാര്‍ഥി ബോട്ട് മുങ്ങി 13 പേര്‍ മരിച്ചു. 14 പേരെ കാണാതായി. യമനിലെ താഈസ് ഗവര്‍ണറേറ്റിന്റെ പരിധിയിലുള്ള തീരത്താണ് അപകടമുണ്ടായതെന്ന് ഇന്റര്‍നാഷനല്‍ ഓര്‍ഗനൈസേഷന്‍ ഫോര്‍ മൈഗ്രേഷന്‍ (ഐ.ഒ.എം) പ്രസ്താവനയില്‍ പറഞ്ഞു.

ജിബൂത്തിയില്‍ നിന്ന് 25 എത്യോപ്യന്‍ പൗരന്മാരെയും രണ്ട് യമനി പൗരന്മാരെയും കയറ്റി പോകുന്നതിനിടെയാണ് അപകടമുണ്ടായത്. ദുബാബ് ജില്ലയിലെ ബാനി അല്‍ ഹകം ഉപ ജില്ലയിലാണ് അപകടം നടന്ന പ്രദേശം. മരിച്ചവരില്‍ 11 പുരുഷന്മാരും രണ്ടു സ്ത്രീകളും ഉള്‍പ്പെടും. കണാതായവര്‍ക്കുവേണ്ടി തെരച്ചില്‍ ഊര്‍ജിതമാക്കി. ബോട്ട് തകരാനിടയാക്കിയ കാരണം വ്യക്തമല്ല.