കണ്ണൂര്‍: വധശ്രമകേസില്‍ പ്രതി അര്‍ജുന്‍ ആയങ്കിക്ക് 5 വര്‍ഷം തടവുശിക്ഷ. 2017ല്‍ കണ്ണൂര്‍ അഴീക്കോടുവെച്ച് നിഖില്‍, നിതിന്‍ എന്നീ രണ്ട് ബിജെപി പ്രവര്‍ത്തകരെ ആക്രമിച്ച കേസിലാണ് ശിക്ഷ വിധിച്ചിരിക്കുന്നത്. ശിക്ഷയക്ക് പുറമേ 25,000 രൂപ പിഴയടക്കണമെന്നും കോടതി ഉത്തരവിട്ടു. ഇരുമ്പ് വടികൊണ്ടും വാളുകൊണ്ടും ഇവരെ വധിക്കാനെന്ന ഉദ്ദേശത്തോടെ മര്‍ദിച്ചെന്ന കേസില്‍ കണ്ണൂര്‍ അസി. സെഷന്‍സ് കോടതിയുടേതാണ് വിധി. സജിത്, ജോബ് ജോണ്‍സണ്‍, സുജിത്, ലജിത്ത്, സുമിത്, കെ.ശരത്ത്, സി.സായൂജ് തുടങ്ങി 7 സിപിഎം പ്രവര്‍ത്തകരെയും ശിക്ഷിച്ചിട്ടുണ്ട്.

പാലക്കാട് മീനാക്ഷിപുരത്ത് സ്വര്‍ണ വ്യാപാരിയെ ആക്രമിച്ച് 75 പവന്‍ സ്വര്‍ണം തട്ടിയെടുത്ത കേസില്‍ അര്‍ജുന്‍ റിമാന്‍ഡിലായിരുന്ന അര്‍ജുന്‍ വനിതാ ടി.ടി.ഇയെ കൈയ്യേറ്റം ചെയ്‌തെന്ന കേസിലും പ്രതിയായിരുന്നു. ഗാന്ധിധാം എക്‌സ്പ്രസില്‍ വച്ച് സെക്കന്റ് ക്ലാസ്സ് ടിക്കറ്റുമായി സ്ലീപ്പര്‍ ക്ലാസ്സില്‍ യാത്ര ചെയ്തത് ചോദ്യം ചെയ്ത വനിതാ ടി.ടി.ഇയെ അര്‍ജുന്‍ ആയങ്കി അസഭ്യം പറയുകയും, പിടിച്ചു തള്ളുകയും ചെയ്തുവെന്നായിരുന്നു കേസ്. തൃശൂര്‍ റെയില്‍വേ പൊലീസ് രജിസ്റ്റര്‍ ചെയ്ത കേസില്‍ ഇയാള്‍ക്ക് കോടതി ജാമ്യം അനുവദിച്ചിരുന്നു.

Arjun Ayanki has been sentenced to 5 years imprisonment for attacking BJP workers. The court verdict comes after a thorough investigation and trial, marking a significant judgment in the case.