തിരുവനന്തപുരം: പാപ്പനംകോട് ഇന്‍ഷൂറന്‍സ് ഓഫിസിലുണ്ടായ തീപിടുത്തത്തില്‍ ദുരൂഹത സംശയിച്ച് പൊലിസ്. രാവിലെ സ്ഥാപനത്തില്‍ ഒരാള്‍ എത്തി ബഹളം ഉണ്ടാക്കിയതായി പൊലിസ്. സംഭവത്തില്‍ പൊലിസ് അന്വേഷണം ആരംഭിച്ചു.  തിരുവനന്തപുരം സബ് കലക്ടറുടെ നേതൃത്വത്തില്‍ വിശദമായി അന്വേഷണം നടക്കും.

മന്ത്രി കെ രാജന്‍, വി ശിവന്‍കുട്ടി , ജില്ലാ കലക്ടര്‍ അനു കുമാരി തുടങ്ങിയവര്‍ സാഹചര്യം വിലയിരുത്തി. മന്ത്രിമാര്‍ സംഭവസ്ഥലത്തെത്തിയിരുന്നു. ഉച്ചയ്ക്ക് ഒന്നരയോടെയാണ് ന്യൂ ഇന്ത്യ ഇന്‍ഷുറന്‍സ് കമ്പനിയുടെ ഏജന്‍സിയില്‍ അപകടമുണ്ടായത്. ജീവനക്കാരി ഉള്‍പ്പെടെ രണ്ടു പേരാണ് തീപിടുത്തത്തില്‍ മരിച്ചത്. ഒരാളെ തിരിച്ചറിയാന്‍ കഴിഞ്ഞിട്ടില്ല. ഇരുവരുടെയും ശരീരം കത്തിക്കരിഞ്ഞ നിലയിലാണ് ഓഫീസില്‍ നിന്ന് കണ്ടെടുത്തത്. 

pappanamcode-fire-incident-two-dead-police-investigation-latest info