പ്രവാചകൻ (സ) പ്രകൃതവും പ്രഭാവവും എന്ന പ്രമേയത്തിൽ SIC സലാല സംഘടിപ്പിച്ച് വരുന്ന മീലാദ് ക്യാമ്പനയിന്റെ ഭാഗമായി അൽ മദ്റസത്തുസ്സുന്നിയ്യ വിദ്യാർത്ഥികളുടെ വിവിധ കലാപരിപാടികൾ ലുബാൻ പാലസിൽ വെച്ച് നടന്നു.

പ്രസിഡണ്ട് അബ്ദുൽ അസീസ് ഹാജി മണിമല അദ്ധ്യക്ഷത വഹിച്ചു. അബ്ദുല്ലത്തിഫ് ഫൈസി തിരുവള്ളൂർ ഉൽഘാടനം ചെയ്തു. കെ എം സി സി സെക്രട്ടരി ശബീർ കാലടി  അബ്ദുല്ല അൻവരി എന്നിവർ ആശംസ പ്രസംഗം നടത്തി.

കഴിഞ്ഞ വർഷത്തെ സമസ്ത പൊതു പരീക്ഷയിൽ ഉന്നത വിജയം നേടിയ വിദ്യാർത്ഥികൾക്കും അവരെ പ്രാപ്തരാക്കിയ ഉസ്താദുമാർക്കുമുള്ള സർട്ടിഫിക്കറ്റുകളും മുമൻ്റോകളും അറബ് പ്രമുഖരായ ശൈഖ് ബഖീത് ഹാമിദ് അൽ ഫാളിൽ  ,ശൈഖ് സാലം ബിൻ അബ്ദുല്ല അൽ കാഫ്, ശൈഖ് അസാം മുഹമ്മദ് അബ്ദുല്ല എന്നിവർ വിതരണം ചെയ്തു.

വിദ്യാർഫികളുടെ വിവിധ ഭാഷകളിലുള്ള പ്രഭാഷണങ്ങൾ, ഗാനങ്ങൾ, ദഫ് പ്രദർശനം ഫ്ലവർ ഷോ, ബുർദ ആലാപനം എന്നിവ പരിപാടിക്ക് മാറ്റ് നൽകി.വി പി അബ്ദുസ്സലാം ഹാജി, അലി ഹാജി എളേറ്റിൽ ഹമീദ് ഫൈസി, റഈസ് ശിവപുരം ,ഹാശിം കോട്ടക്കൽ, ശുഐബ് മാസ്റ്റർ അശ്റഫ് മംഗലാപുരം അബ്ബാസ് മുസ്ല്യാർ , ശമീർ ഫൈസി,അമീർ മുസ്‌ല്യാർ,  സിദ്ധീഖ് മുസ്ല്യാർ, ഹംസ മുസ്ല്യാർ, എന്നിവർ നേതൃത്വം നൽകി .
നൂറ് കണക്കിന് ആളുകൾ പങ്കെടുത്ത പരിപാടി SKSSF വിഖായ പ്രവർത്തകന്മാർ നിയന്ത്രിച്ചു.അബ്ദുൽ ഫത്താഹ് സ്വാഗതവും ഷനീസ് നന്ദിയും പറഞ്ഞു.

🪀കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക