കണ്ണൂര്‍: സമന്‍സുമായി പോയ പൊലിസുകാരനെ കൈയേറ്റം ചെയ്യുകയും കൃത്യനിര്‍വഹണം തടസപ്പെടുത്തുകയും ചെയ്ത കേസില്‍ ഒരാള്‍ കസ്റ്റഡിയില്‍. മറ്റൊരാള്‍ക്കു വേണ്ടി തിരച്ചിലാരംഭിച്ചു. ഇന്നലെ വൈകിട്ട് 4.40ന് കക്കാടാണ് സംഭവം. കക്കാട് ടൗണിലുള്ള കബീറും(27) മറ്റൊരാളും ചേര്‍ന്ന് സമന്‍സുമായി പോയ കണ്ണൂര്‍ ടൗണ്‍ സ്‌റ്റേഷനിലെ സിവില്‍ പൊലിസ് ഓഫിസര്‍ അനില്‍രാജിനെ തടയുകയും ഔദ്യോഗിക കൃത്യനിര്‍വഹണം തടസപ്പെടുത്തും വിധത്തില്‍ കൈയേറ്റം ചെയ്തുവെന്നുമാണ് പരാതി. ഇതില്‍ കബീറിനെ ഇന്നലെ രാത്രി തന്നെ പൊലിസ് കസ്റ്റഡിയിലെടുത്തു. ഇയാളുടെ കൂടെയുണ്ടായിരുന്നയാള്‍ക്കു വേണ്ടി തിരച്ചില്‍ തുടരുകയാണ്.