അബൂദബി: 'ലോകത്തിലെ ഏറ്റവും സമ്പന്ന നഗരം' ഡിസംബർ 4 മുതൽ 6 വരെ അബുദബി നാഷണൽ എക്സിബിഷൻ സെന്ററി (അഡ്നെക്)ൽ അബൂദബി ബിസിനസ് വീക്കിന് (എ.ഡി.ബി.ഡബ്ലിയു) ആതിഥേയത്വം വഹിക്കും.'ഡെലിവർ വാല്യൂ, ക്രിയേറ്റ് ഇമ്പാക്ട്' എന്ന പ്രമേയത്തിലാണ് പരിപാടി. എമിറേറ്റിന്റെ സാമ്പത്തിക വളർച്ചയെയും ബിസിനസ് സൗഹൃദ അന്തരീക്ഷം പരിപോഷിപ്പിക്കുന്നതിനുള്ള പ്രതി ബദ്ധതയെയും ഇത് പ്രതിഫലിപ്പിക്കും.

150ലധികം പ്രഭാഷകരും 8,000 നയ സ്രഷ്ടാക്കളും ബിസിനസ് എക്സിക്യൂട്ടിവുകളും അന്താരാഷ്ട്ര നിക്ഷേപകരും സംരംഭകരും പുതിയ അവസരങ്ങൾ പര്യവേക്ഷണം ചെയ്യുകയും തന്ത്രപരമായ പങ്കാളിത്തം രൂപപ്പെടുത്തുകയും സുസ്ഥിര സാമ്പത്തിക വികസന സംവാദങ്ങളെ നയിക്കു കയും ചെയ്യുമെന്ന് ദേശീയ വാർത്താ ഏജൻസി വാം റിപ്പോർട്ടിൽ പറഞ്ഞു.

ലോകത്തിലെ ഏറ്റവും സമ്പന്നമായ നഗരം എന്നത് അടുത്തിടെ നാമകരണം ചെയ്യപ്പെട്ടതാണ്. അബുദബിക്ക് 1.7 ട്രില്യൺ ഡോളറിന്റെ സോവറീൻ വെൽത്ത് ഫണ്ട് ആസ്തിയുണ്ട്. കൂടാതെ, ജി.സി.സിയിലെ ഏറ്റവും ശക്തമായ സോവറീൻ ക്രെഡിറ്റ് റേറ്റിങ് ആസ്വദിക്കുകായും ചെയ്യുന്നു.ഇത് നിക്ഷേപകർക്ക് സാമ്പത്തിക വളർച്ചാ-അവസരങ്ങളിലേക്ക് സമാനതകളില്ലാത്ത പ്രവേശനം നൽകുന്നു. മിഡിൽ ഈസ്റ്റ്, നോർത്ത് ആഫ്രിക്ക (മെനാ) മേഖലയിൽ മികവുറ്റ നിലയിൽ ബിസിനസ്സ് നടത്തുന്നതിൽ എമിറേ റ്റ് ഒന്നാം സ്ഥാനത്താണ്.

അഭിവൃദ്ധി പ്രാപിക്കുന്ന ബിസിനസ്സ് അന്തരീക്ഷം പരിപോഷിപ്പിക്കുന്നതിനുള്ള അബൂദബിയുടെ പ്രതിബദ്ധത പ്രതിഫലിപ്പിക്കുന്ന എ.ഡി.ബി.ഡബ്ലിയു പങ്കാളികൾക്ക് പുതിയ വിപണികൾ പര്യവേക്ഷണം ചെയ്യാനും അതിവേഗം വളരുന്ന 'മൂലധന'ത്തിൻ്റെ ഭാവി രൂപപ്പെടുത്തുന്ന പ്രവണതകളെയും തന്ത്രങ്ങളെയും കുറിച്ച് വിലപ്പെട്ട ഉൾക്കാഴ്ചകൾ നേടാനും അവസരമൊരുക്കും.

എ.ഡി.ബി.ഡബ്ല്യു ബിസിനസുകൾ ശക്തിപ്പെടുത്തുന്നതിനും പൊതു-സ്വകാര്യ മേഖലകൾ തമ്മിലുള്ള വർധിച്ച സഹകരണത്തിനും വളർച്ചയ്ക്കും വൈവിധ്യവത്കരണത്തിനും കാരണമാകുന്ന ഒരു ആവാസ വ്യവസ്ഥയെ വളർത്തിയെടുക്കുന്നതിനുള്ള തന്ത്രങ്ങളിൽ ശ്രദ്ധ കേന്ദ്രീകരിക്കും."ഞങ്ങളുടെ ബഹുമുഖ സുസ്ഥിര വികസന തന്ത്രങ്ങളുടെയും പുതിയ, ഉയർന്ന വളർച്ചാ മേഖലകളിലെ ശ്രദ്ധയുടെയും പിന്തുണയോടെ, അബൂദബിയുടെ ബിസിനസ്സ് സൗഹൃദ ആവാസ വ്യവസ്ഥയുടെ അവസരങ്ങൾ വാഗ്ദാനം ചെയ്യുന്നു" -അബൂദബി ചേംബർ ഓഫ് കൊമേഴ്‌സ് ആൻഡ് ഇൻ ഡസ്ട്രി (എ.ഡി.സി.സി.ഐ) ചെയർമാൻ അഹമ്മദ് ജാസിം അൽ സആബി പറഞ്ഞു.

ആഗോള തലത്തിൽ അഭിവൃദ്ധിപ്പെടാനും വിപുലീകരിക്കാനുമുള്ള ലക്ഷ്യത്തോടെ നിക്ഷേപകർ, ബിസിനസ്സുകാർ, പ്രതിഭകൾ എന്നിവരെല്ലാം എണ്ണ ഇതര മേഖലകളെ വൻ തോതിൽ ഉപയോഗിക്കുന്നു. കഴിഞ്ഞ ദശകത്തിൽ സാമ്പത്തിക ലൈസൻസുകളുടെ വിതരണത്തിൽ 196 ശതമാനം വർധനയുണ്ടായി. ഇത് അബൂദബിയുടെ പിന്തുണയുള്ള സാമ്പത്തിക ഭൂപ്രകൃതിക്ക് അടിവരയിടുന്നു.

ഇവന്റിന്റെ ആദ്യ പതിപ്പിൽ അബൂദബി ബിസിനസ് ഫോറം ഉൾപ്പെടെ 10 പ്രത്യേക പരിപാടികൾ സംഘടിപ്പിക്കും. അബൂദബിയിലെ ആഗോള നിക്ഷേപ ചലനാത്മകത, ബിസിനസ് ക്ലസ്റ്ററുകൾ, നിയന്ത്രണങ്ങൾ, പൊതു-സ്വകാര്യ പങ്കാളിത്തം തുടങ്ങിയ പ്രധാന വിഷയങ്ങൾ കൈകാര്യം ചെയ്യും.നവീകരണം, സംഭരണം, സ്ത്രീ ശാക്തീകരണം, കുടുംബ ബിസിനസുകൾ, യുവാക്കൾ, സംരംഭകത്വം തുടങ്ങിയ വിഷയങ്ങളിൽ ആഴത്തിലുള്ള വീക്ഷണം നൽകുന്നതാകും പരിപാടി.

അബുദബി കിരീടാവകാശിയും അബൂദബി എക്സിക്യൂട്ടിവ് കൗൺസിൽ ചെയർമാനുമായ ശൈഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്‌യാന്റെ രക്ഷാകർതൃത്വത്തിലാണ് അബൂദബി സാമ്പത്തിക വികസന വകുപ്പ് (എ.ഡി.ഇ.ഡി), അബൂദബി ഇൻവെസ്റ്റ്മെന്റ് ഓഫിസ് (എ. ഡി.ഐ.ഒ) എന്നിവയുടെ സഹകരണത്തിൽ അബൂദബി ബിസിനസ് വീക് ഒരുക്കുന്നത്.

 Abu Dhabi Business Week, commencing on December 4, 2024, is set to bring together global business leaders, entrepreneurs, and innovators for a week of networking, discussions, and exhibitions in the heart of the UAE. Focused on key sectors like finance, technology, energy, and sustainability, the event aims to drive economic growth and foster investment opportunities across diverse industries.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക