പത്തനംതിട്ട: ഗവ. ജനറല്‍ ആശുപത്രിയില്‍ ചികിത്സയ്ക്ക് എത്തിയ രോഗിയുടെ തലയില്‍ ചക്ക വീണു. ഓമല്ലൂര്‍ സ്വദേശിയയായ എന്‍ ഗംഗാധരന്‍ നായരുടെ തലയിലാണ് ചക്കവീണത്. അത്യാഹിത വിഭാഗത്തിന് മുന്‍പില്‍ നിന്നിരുന്ന പ്ലാവില്‍ നിന്നാണ് ചക്ക വീണത്. സംഭവത്തില്‍ ഗംഗാധരന്‍ നായരുടെ തലയ്ക്കും കാല്‍മുട്ടുകള്‍ക്കും കൈമുട്ടുകള്‍ക്കും പരുക്കേറ്റു.

ഡോക്ടറെ കണ്ട ശേഷം മരുന്ന് വാങ്ങാനായി കൗണ്ടറിന് മുന്നില്‍ ക്യൂനില്‍ക്കുമ്പോഴാണ് ചക്ക വീണത്. ചക്ക വീണതിന് പിന്നാലെ ഗംഗാധരന്‍ നായര്‍ ബോധരഹിതനായി. ഇദ്ദേഹത്തെ ഉടന്‍ തന്നെ അത്യാഹിത വിഭാഗത്തില്‍ പ്രവേശിപ്പിച്ചു. ആരോഗ്യനില തൃപ്തികരമാണെന്നാണ് വിവരം. 

A patient was injured after a jackfruit fell on his head while he was standing in a queue to purchase medicines at the Pathanamthitta General Hospital in Pathanamthitta.