മനാമ: വരാനിരിക്കുന്ന സീസണില്‍ ഹജ്ജ് നിര്‍വഹിക്കാന്‍ ആഗ്രഹിക്കുന്നവര്‍ക്കുള്ള രജിസ്‌ട്രേഷനായി ഇലക്ട്രോണിക് ഹജ്ജ് പ്ലാറ്റ്‌ഫോം hajgovbh ആരംഭിച്ച് ഹജ്ജ്, ഉംറ സുപ്രീം കമ്മിറ്റി. 

നവംബര്‍ 3 മുതല്‍ 22 വരെ രജിസ്‌ട്രേഷന്‍ ലഭ്യമാകും. ഹജ്ജ് കാമ്പയിന്‍ ഓപ്ഷനുകള്‍, പാക്കേജ് ആനുകൂല്യങ്ങള്‍, ഫീസ് തുടങ്ങിയ വിവരങ്ങള്‍ ഇലക്ട്രോണിക് ഹജ്ജ് പ്ലാറ്റ്‌ഫോമിലൂടെ എളുപ്പത്തില്‍ മനസ്സിലാക്കാം.

രജിസ്‌ട്രേഷന്‍ പ്രക്രിയയും അപേക്ഷ സ്റ്റാറ്റസ് ട്രാക്കിങ് കാര്യക്ഷമമാക്കാനും പ്ലാറ്റ് ഫോം തീര്‍ഥാടകരെ പ്രാപ്തമാക്കുമെന്ന് കമ്മിറ്റി വ്യക്തമാക്കി. രജിസ്‌ട്രേഷന്‍ പ്രക്രിയയെ സംബന്ധിച്ചിടത്തോളം, പ്ലാറ്റ് ഫോമിലേക്കുള്ള ആക്‌സസിന് ഗവണ്‍മെന്റ് eKey ഉപയോഗം ആവശ്യമാണ്.

രജിസ്റ്റര്‍ ചെയ്യുന്നത് യോഗ്യത മാനദണ്ഡങ്ങള്‍ക്ക് വിധേയമായി, ഹജ്ജ് നിര്‍വഹിക്കുന്നതിനുള്ള പ്രാരംഭ അപേക്ഷയാണെന്ന് കമ്മിറ്റി വിശദീകരിച്ചു. രജിസ്‌ട്രേഷന്‍ സ്ഥിരീകരിച്ചു കഴിഞ്ഞാല്‍, അപേക്ഷകര്‍ക്ക് അവരുടെ തിരഞ്ഞെടുത്ത കാമ്പയിനുമായി ഏകോപിപ്പിച്ച് അന്തിമ രജിസ്‌ട്രേഷന്‍ നടപടികളുമായി മുന്നോട്ടു പോകാനുള്ള അറിയിപ്പ് ലഭിക്കും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Saudi Arabia has launched an electronic platform for Hajj registration, streamlining the pilgrimage process and enhancing efficiency.