നിലമ്പൂര്‍: കടുവയുടെ ആക്രമണത്തില്‍ കാട്ടാന ചെരിഞ്ഞു. ബുധനാഴ്ച രാവിലെ വഴിക്കടവ് റേഞ്ച് നെല്ലിക്കുത്ത് പുഞ്ചക്കൊല്ലി റബര്‍ പ്ലാന്റേഷനു സമീപം ചപ്പത്തിക്കല്‍ വനമേഖലയിലാണ് ആദിവാസികള്‍ കാട്ടാനയുടെ ജഡം കണ്ടത്.

പുന്നപ്പുഴക്ക് ചേര്‍ന്നായിരുന്നു ജഡം കണ്ടെത്തിയത്. വഴിക്കടവ് റേഞ്ച് ഓഫിസര്‍ ഷരീഫ് പനോലത്തിന്റെ നേതൃത്വത്തില്‍ വനപാലകര്‍ നടത്തിയ പരിശോധനയില്‍ ജഡത്തിനു സമീപം കടുവയുടെ കാല്‍പാടുകളും പെരുമാറ്റരീതിയും കണ്ടെത്തി.

ഏകദേശം രണ്ടു ദിവസത്തെ പഴക്കമുള്ള ജഡത്തിന് തുമ്പിക്കൈയുടെയും ചെവിയുടെയും ഭാഗങ്ങളില്‍ മാരക മുറിവുകളുണ്ടായിരുന്നു. വെറ്ററിനറി സര്‍ജന്മാര്‍ പോസ്റ്റ്‌മോര്‍ട്ടം നടത്തി. ഉദ്ദേശം 20 വയസ്സുള്ള പിടിയാനയാണ് ചെരിഞ്ഞത്. കടുവയുടെ ആക്രമണത്തിലാണ് മരണമെന്ന് സ്ഥിരീകരിച്ചു.

A recent incident in Kerala reports an elephant injured due to a tiger attack. The state has witnessed several instances of human-wildlife conflict and animal interactions, highlighting concerns about conservation and safety.