ഷാർജ: ഷാർജ രാജ്യാന്തര പുസ്തക മേള സംസ്കാരങ്ങളുടെ സംവാദ വേദിയാണെന്ന് എം.പി അബ്ദുസമദ് സമദാനി എംപി. പുസ്തക മേളയിൽ ഗൾഫ് സത്യധാര പ്രസിദ്ധീകരിച്ച ആസിം വെളിമണ്ണയുടെ 'പരിമിതികളില്ലാതെ' എന്ന പുസ്തകത്തിന്റെ പ്രകാശനം നിർവഹിച്ചു സംസാരിക്കുകയായിരുന്നു അദ്ദേഹം. ഭിന്നശേഷി കൊണ്ടല്ല, മറിച്ച് നിശ്ചയ ദാർഢ്യം കൊണ്ടാണ് എല്ലാ പരിമിതികളെയും അതിജീവിക്കാൻ ആസിമിന് സാധിച്ചതെന്നും അദ്ദേഹം കൂട്ടിച്ചേർത്തു.

ആസിം വെളിമണ്ണ, ഷാർജ ബുക് അതോറിറ്റി എക്സ്റ്റേണൽ അഫയേഴ്‌സ് എക്സിക്യൂട്ടിവ് മോഹൻ കുമാർ, നെല്ലറ ശംസുദ്ദീൻ, സലാം പാപ്പിനിശേരി (സി.ഇ.ഒ, യാബ് ലീഗൽ സർവിസസ്), യൂനീക്‌ വേൾഡ് മാനേജിങ് ഡയരക്ടർ ടി.എം സുലൈമാൻ ഹാജി, ശുഐബ് തങ്ങൾ, ഹൈദറൂസ് തങ്ങൾ, അബ്ദുല്ല ചേലേരി, ഷറഫുദ്ദീൻ ഹുദവി, അബ്ദുൽ റസാഖ് വളാഞ്ചേരി, ഷിയാസ് സുൽത്താൻ, അഷ്‌റഫ്‌ ഇരിങ്ങാവൂർ, അബ്ദുൽ വാഹിദ് മുസ്‌ലിയാർ അത്തിപ്പറ്റ, എം.എ സലാം റഹ്മാനി, ഇ.എം ശരീഫ് ഹുദവി, ഫൈസൽ പയ്യനാട്, നുഅമാൻ തിരൂർ, സഈദ് തളിപ്പറമ്പ് തുടങ്ങിയവർ സംബന്ധിച്ചു.

എം.എ സലാം റഹ്മാനിയുടെ 'ആകാശത്ത് മേൽവിലാസമുള്ളവർ', ഇ.എം ശരീഫ് ഹുദവി രചിച്ച 'റസൂലിന്റെ വീട്', മദ്റസ വിദ്യാർഥികളുടെ തിരഞ്ഞെടുത്ത സൃഷ്ടികൾ 'മഷി' തുടങ്ങിയ പുസ്തകങ്ങളും ചടങ്ങിൽ പ്രകാശനം ചെയ്തു.. ടി.പി.കെ ഹക്കീം സ്വാഗതവും സഫീർ ജാറംകണ്ടി നന്ദിയും പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The Sharjah International Book Fair serves as a vibrant platform for cultural dialogue through its Samadani forum, fostering exchange of ideas and literary collaboration among authors, publishers, and readers worldwide.