കോഴിക്കോട്: പൊങ്കാല അർപ്പിക്കുന്നതിനിടെ തീ പൊള്ളലേറ്റ് ചികിത്സയിലായിരുന്ന വീട്ടമ്മ മരിച്ചു. കോഴിക്കോട് വെസ്റ്റ്ഹിൽ ചുങ്കം സ്വദേശി ദിനേശിന്റെ ഭാര്യ വിജിഷ ആണ് മരിച്ചത്. 38 വയസായിരുന്നു. ഇന്ന് പുലർച്ചെയാണ് മരണം സംഭവിച്ചത്.

തിരുവനന്തപുരത്ത് നടന്ന പൊങ്കാലക്കിടെയാണ് വിജിഷയ്ക്ക് അപകടം സംഭവിച്ചത്. പുറകിലെ അടുപ്പിൽ നിന്ന് സാരിയിലേക്ക് തീപടരുകയായിരുന്നു. ഗുരുതരമായി പൊള്ളലേറ്റതിനെ തുടർന്ന് വിജിഷയെ തിരുവനന്തപുരം മെഡിക്കൽ കോളജ് ആശുപത്രിയിൽ ഐസിയുവിൽ പ്രവേശിപ്പിക്കുകയായിരുന്നു. പിന്നീട് കഴിഞ്ഞ ദിവസം കോഴിക്കോട്ടെ സ്വകാര്യ ആശുപത്രിയിലേക്ക് മാറ്റിയിരുന്നു. ഇവിടെ വെച്ചാണ് ഇന്ന് പുലർച്ചെ മരണം സംഭവിച്ചത്. 

ALSO READ: പ്രതിപക്ഷ നേതാവ് നൽകിയ കൃത്രിമ കൈയുമായി വിനോദിനി ആറ് മാസത്തിന് ശേഷം സ്‌കൂളിലേക്ക്; ഇടത് കൈകൊണ്ട് അവളിന്ന് പരീക്ഷ എഴുതും

വെസ്റ്റ്ഹിൽ ചുങ്കം സ്വദേശി ദിനേശൻ ഭർത്താവ്. രണ്ടു മക്കളുണ്ട്. സംസ്കാരം പിന്നീട്.