തൃശൂര്‍: ചേലക്കരയില്‍ വ്യക്തമായ മുന്നേറ്റം നടത്തി എല്‍.ഡി.എഫ് സ്ഥാനാര്‍ഥി യു.ആര്‍ പ്രദീപ്. വോട്ടെണ്ണല്‍ തുടങ്ങിയത് മുതല്‍ വ്യക്തമായ മുന്‍തൂക്കമാണ് യു.ആര്‍ പ്രദീപ് നിലനിര്‍ത്തുന്നത്. 

അതേസമയം, എല്‍.ഡി.എഫ് സ്ഥാനാര്‍ഥി മുന്നേറ്റം നടത്തുമ്പോള്‍ ഫേസ്ബുക്ക് പോസ്റ്റുമായി കെ രാധാകൃഷ്ണന്‍ എംപി. 'ചെങ്കോട്ടയാണ് ഈ ചേലക്കര' എന്നാണ് ഉപതിരഞ്ഞെടുപ്പ് ഫലങ്ങള്‍ പുറത്തുവന്നുകൊണ്ടിരിക്കെ അദ്ദേഹം കുറിച്ചത്.

കഴിഞ്ഞ 28 വര്‍ഷമായി എല്‍.ഡി.എഫിനൊപ്പം നില്‍ക്കുന്ന മണ്ഡലമാണ് ചേലക്കര. താന്‍ നൂറുശതമാനം കോണ്‍ഫിഡന്റ് ആണെന്നും വിജയ പ്രതീക്ഷയുണ്ടെന്നും യു ആര്‍ പ്രദീപ് വോട്ടെണ്ണല്‍ തുടങ്ങുന്നതിന് മുമ്പ് പ്രതികരിച്ചിരുന്നു. ചേലക്കരയില്‍ പി. വി അന്‍വറിന്റെ സ്ഥാനാര്‍ത്ഥിക്കും ചലനമുണ്ടാക്കാന്‍ സാധിച്ചിട്ടില്ല.