അബൂദബി: യുഎഇ ദേശീയ ദിനത്തോട് അനുബന്ധിച്ച് ട്രാഫിക് പിഴകളില്‍ 50 ശതമാനം ഇളവ് പ്രഖ്യാപിച്ച് നാല് എമിറേറ്റുകള്‍. ഡിസംബര്‍ 2 മുതല്‍ 53 ദിവസത്തേക്കാണ് ഫുജൈറയില്‍ ഇളവ് അനുവദിച്ചിരിക്കുന്നത്.

ഡിസംബര്‍ ഒന്നിന് മുമ്പ് രേഖപ്പെടുത്തിയ ട്രാഫിക് നിയമലംഘനങ്ങള്‍ക്കുള്ള പിഴയിലാണ് ഇളവ് ലഭിക്കുക. വാഹനങ്ങള്‍ കണ്ടുകെട്ടുന്നത്, ട്രാഫിക് ബ്ലാക് പോയിന്റുകള്‍ തുടങ്ങിയ നടപടികളും ഒഴിവായി കിട്ടും. അതേസമയം ഗുരുതര ട്രാഫിക് നിയമലംഘനങ്ങള്‍ക്ക് ഇളവ് ലഭിക്കില്ല. ഡിസംബര്‍ 1 മുതല്‍ ഡിസംബര്‍ 31 വരെ റാസല്‍ഖൈമയിലും 50 ശതമാനം ഇളവ് പ്രഖ്യാപിച്ചിട്ടുണ്ട്. ഡിസംബര്‍ 1ന് മുമ്പ് രേഖപ്പെടുത്തിയ നിയമലംഘനങ്ങള്‍ക്കുള്ള പിഴയിലാണ് ഇളവ് ലഭിക്കുക.

ഡിസംബര്‍ 1 മുതല്‍ ജനുവരി 5 വരെ ഉമ്മുല്‍ഖുവൈനില്‍ 50 ശതമാനം ട്രാഫിക് പിഴയിളവ് ലഭിക്കും. ദേശീയ ദിനം പ്രമാണിച്ച് അജ്മാനിലും 50 ശതമാനം ട്രാഫിക് പിഴ ഇളവ് പ്രഖ്യാപിച്ചിട്ടുണ്ട്. നവംബര്‍ നാല് മുതല്‍ ഡിസംബര്‍ 15 വരെയാണ് അജ്മാനില്‍ പിഴയില്‍ ഇളവ് ലഭിക്കുക. ഒക്ടോബര്‍ 31ന് മുമ്പ് രേഖപ്പെടുത്തിയ ഗതാഗത നിയമലംഘനങ്ങള്‍ക്കുള്ള പിഴയിലാണ് ഇളവ് ലഭിക്കുക.

To mark the UAE's National Day, four emirates have announced a 50% discount on traffic fines. This move aims to promote road safety and provide relief to motorists.