കേരളാ കാര്‍ഷിക സര്‍വകലാശാലയുടെ ഡിപ്ലോമ ഇന്‍ അഗ്രികള്‍ച്ചറല്‍ സയന്‍സ്, ഡിപ്ലോമ ഇന്‍ ഓര്‍ഗാനിക് അഗ്രികള്‍ച്ചര്‍ എന്നീ കോഴ്‌സുകളില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ നടത്തുന്നു. അഗ്രികള്‍ച്ചറല്‍ ഡിപ്ലോമയ്ക്ക് 24 സീറ്റുകളും ഓര്‍ഗാനിക് അഗ്രികള്‍ച്ചര്‍ ഡിപ്ലോമയ്ക്ക് അഞ്ചു സീറ്റുകളുമാണ് ഒഴിവുള്ളത്. ഈ കോഴ്‌സുകളിലെ പ്രവേശനത്തിന് സര്‍വകലാശാല അംഗീകരിച്ച പട്ടികയില്‍പെട്ട അപേക്ഷകര്‍ക്കു മാത്രമേ അര്‍ഹതയുള്ളൂ.

ഡിപ്ലോമ ഇന്‍ അഗ്രികള്‍ച്ചറല്‍ സയന്‍സ് സ്‌പോട്ട് അഡ്മിഷന്‍ സെപ്റ്റംബര്‍ ആറിനു രാവിലെ 10.30നും ഡിപ്ലോമ ഇന്‍ ഓര്‍ഗാനിക് അഗ്രികള്‍ച്ചര്‍ സ്‌പോട്ട് അഡ്മിഷന്‍ അന്ന് ഉച്ചയ്ക്ക് 12.30നും സര്‍വകലാശാലാ ആസ്ഥാനത്തു നടക്കും.
പ്രവേശനാര്‍ഥികള്‍ നിശ്ചിത സമയത്തിനു മുന്‍പു റിപ്പോര്‍ട്ട് ചെയ്യണം.

പ്രവേശനം സംബന്ധിച്ച വിശദാംശങ്ങള്‍ സര്‍വകലാശാലാ വെബ്‌സൈറ്റില്‍ ലഭ്യമാണ്.
പ്രവേശനം നേടുന്ന വിദ്യാര്‍ഥികള്‍ ഉടന്‍തന്നെ ഫീസ് (അഗ്രികള്‍ച്ചറല്‍ ഡിപ്ലോമയ്ക്ക് 29,000 രൂപ, ഓര്‍ഗാനിക് അഗ്രികള്‍ച്ചര്‍ ഡിപ്ലോമയ്ക്ക് 5,000 രൂപ) അടയ്ക്കുകയും അഞ്ചു ദിവസത്തിനകം അസല്‍ സര്‍ട്ടിഫിക്കറ്റുകള്‍ ഹാജരാക്കുകയും വേണം.