കരിപ്പൂർ: കോഴിക്കോട് വിമാനത്താവളത്തിൽ നിന്ന്  അബൂദബിയിലേക്ക് സർവിസ് നടത്താനൊരുങ്ങി ഇൻഡിഗോ വിമാനം. ഡിസംബർ 20 മുതൽ വിമാനം ദിവസവും സർവിസ് നടത്തും. രാത്രി 9.50നു കോഴിക്കോട്ടുനിന്നു പുറപ്പെട്ട് പ്രാദേശിക സമയം 12.30ന് അബൂദബിയിലെത്തുന്ന വിമാനം, അബൂദബിയിൽനിന്ന് പുലർച്ചെ 1.30നു പുറപ്പെട്ട്  പ്രാദേശിക സമയം രാവിലെ 6.45നു കോഴിക്കോട്ടെത്തും.

ജനുവരി 15 വരെയാണ് വിമാനം നിലവിൽ സർവീസ് പ്രഖ്യാപിച്ചിട്ടുള്ളത്. യാത്രക്കാരുണ്ടെങ്കിൽ സർവീസ് നീട്ടാനാണ് സാധ്യത. ദമ്മാം, ജിദ്ദ, ദുബൈ എന്നിവിടങ്ങളിലേക്കാണു നിലവിൽ കോഴിക്കോട്ടുനിന്ന് ഇൻഡിഗോ രാജ്യാന്തര സർവിസുകൾ നടത്തുന്നത്.

 Indigo is set to launch a new flight service from Kozhikode to Abu Dhabi starting December 20.