ചെങ്ങന്നൂര്‍; എംസി റോഡില്‍ ചെങ്ങന്നൂര്‍ ടൗണില്‍ എസ്എന്‍ഡിപി യൂണിയന്‍ കെട്ടിടത്തിനു മുന്നില്‍ രണ്ടു കാറുകളും രണ്ടു ബൈക്കുകളും കൂട്ടിമുട്ടി ബൈക്ക് യാത്രക്കാരനായ യുവാവ് മരിച്ചു. കണ്ണൂര്‍ കിണവക്കല്‍ തട്ടാന്‍കണ്ടി വീട്ടില്‍ പ്രീതയുടെ മകന്‍ വിഷ്ണു(23) ആണ് മരിച്ചത്. ഇടിയുടെ ആഘാതത്തില്‍ വിഷ്ണു 15 അടിയോളം ഉയരത്തില്‍ പൊങ്ങി ബോര്‍ഡില്‍ തലയിടിച്ചു താഴെ വീഴുകയായിരുന്നു.

മറ്റു വാഹനങ്ങളും തകര്‍ന്നു. ഗുരുതരമായി പരുക്കേറ്റ ബൈക്ക് യാത്രികന്‍ അമ്പലപ്പുഴ കരൂര്‍ പുതുവല്‍ വിവേകിനും പരുക്കേറ്റു. വിവേകിനെ ആലപ്പുഴ മെഡിക്കല്‍ കോളജില്‍ പ്രവേശിപ്പിച്ചു. പൊലിസും ഫയര്‍ഫോഴ്‌സുമെത്തി രക്ഷാപ്രവര്‍ത്തനം ആരംഭിച്ചു.