കാസര്‍കോട്: എരഞ്ഞിപ്പുഴയില്‍ കുളിക്കാനിറങ്ങിയ കുട്ടി മുങ്ങിമരിച്ചു. രണ്ട് കുട്ടികള്‍ ഒഴുക്കില്‍പെട്ടു. എരഞ്ഞിപ്പുഴ സ്വദേശി സിദ്ധിഖിന്റെ മകന്‍ റിയാസ്(17)ആണ് മരിച്ചത്. യാസീന്‍ (13), സമദ് (13) എന്നിവര്‍ക്കായി തെരച്ചില്‍ ഇപ്പോഴും തുടരുകയാണ്. 

ഇന്ന് ഉച്ചയോട് കൂടിയാണ് കുട്ടികള്‍ കുളിക്കാന്‍ ഇറങ്ങിയത്. മൂന്ന് പേരും മുങ്ങിപ്പോകുകയായിരുന്നു. ഇവരില്‍ റിയാസ് എന്ന കുട്ടിയെ രക്ഷാപ്രവര്‍ത്തകര്‍ രക്ഷപ്പെടുത്തി ആശുപത്രിയിലെത്തിച്ചെങ്കിലും പോകുന്ന വഴിക്ക് മരണം സംഭവിക്കുകയായിരുന്നു. മൃതദേഹം താലൂക്ക് ആശുപത്രിയിലേക്ക് മാറ്റി. 

നാട്ടുകാരും പൊലീസും ഫയര്‍ഫോഴ്‌സും ചേര്‍ന്നാണ് തെരച്ചില്‍ നടത്തുന്നത്. സ്ഥലത്ത് തെരച്ചില്‍ പുരോഗമിക്കുകയാണ്.