കടലൂർ: തമിഴ്നാട്ടിലെ കടലൂർ ജില്ലയിലെ സെമ്മൻകുപ്പത്ത് റെയിൽവേ ഗേറ്റിൽ സ്കൂൾ ബസിൽ ട്രെയിൻ ഇടിച്ചുണ്ടായ അപകടത്തിൽ റെയിൽവേയുടെ വിശദീകരണം തള്ളി ബസ് ഡ്രൈവർ. ഗേറ്റ് കീപ്പറുടെ നിർദേശപ്രകാരമാണ് ഗേറ്റ് തുറന്നതെന്ന റെയിൽവേയുടെ ആരോപണം ഡ്രൈവർ നിഷേധിച്ചു. താൻ ഗേറ്റ് കീപ്പറെ കണ്ടിട്ടില്ലെന്നും ഗേറ്റ് തുറക്കാൻ ആവശ്യപ്പെട്ടിട്ടില്ലെന്നും ഡ്രൈവർ പൊലീസിൽ മൊഴി നൽകി. ബസിലുണ്ടായിരുന്ന മറ്റ് വിദ്യാർഥികളും ഈ മൊഴി ശരിവയ്ക്കുന്നു. ഗേറ്റ് കീപ്പറുടെ നിർദേശപ്രകാരമാണ് ഇവിടെ സിഗ്നൽ സംവിധാനം പ്രവർത്തിക്കുന്നത്.

അതേസമയം, അണ്ടർപാസ് നിർമാണത്തിന് അനുമതി നൽകിയിട്ടും ജില്ലാ കളക്ടർ കാലതാമസം വരുത്തിയെന്ന് റെയിൽവേ ആരോപിച്ചു. തമിഴ് അറിയാത്തവരെ റെയിൽവേയിൽ കൂടുതലായി നിയമിക്കുന്നത് ആശയവിനിമയ പ്രശ്നങ്ങൾക്കും അപകടങ്ങൾക്കും കാരണമാകുന്നുവെന്ന് ഡിഎംകെ വക്താവ് ടികെഎസ് ഇളങ്കോവൻ വിമർശിച്ചു.

ALSO READ: കോന്നി പയ്യാനമൺ പാറമട അപകടം: കു‍ടുങ്ങികിടന്ന രണ്ടാമത്തെയാളുടെ മൃതദേഹം കണ്ടെത്തി

അപകടത്തെ തുടർന്ന് ഗേറ്റ് കീപ്പറെ റെയിൽവേ സസ്പെൻഡ് ചെയ്തു. മരിച്ച കുട്ടികളുടെ കുടുംബങ്ങൾക്ക് റെയിൽവേയും തമിഴ്നാട് സർക്കാരും അഞ്ച് ലക്ഷം രൂപ വീതം നഷ്ടപരിഹാരം പ്രഖ്യാപിച്ചു. പരുക്കേറ്റ വിദ്യാർഥികളെ കടലൂർ സർക്കാർ ആശുപത്രിയിൽ പ്രവേശിപ്പിച്ചു. ബസ് പൂർണമായും തകർന്ന നിലയിലാണ്. ആളില്ലാ ലെവൽ ക്രോസ് മുറിച്ചുകടക്കാൻ സ്കൂൾ ബസ് ശ്രമിക്കവേയാണ് ട്രെയിൻ ഇടിച്ചത്. 

ഇന്ന് രാവിലെ 7:45നാണ് കടലൂർ-അളപാക്കം റൂട്ടിലെ 170-ാം നമ്പർ റെയിൽവേ ഗേറ്റിൽ വിഴുപ്പുറം-മയിലാടുതുറൈ പാസഞ്ചർ ട്രെയിനിൽ കൃഷ്ണസ്വാമി വിദ്യാനികേതൻ സിബിഎസ്ഇ സ്കൂളിന്റെ ബസ് ഇടിച്ച് അപകടമുണ്ടായത്. അപകടത്തിൽ സഹോദരങ്ങൾ ഉൾപ്പെടെ മൂന്ന് കുട്ടികൾ മരിക്കുകയും, ബസ് ഡ്രൈവർ ഉൾപ്പെടെ അപകടത്തിൽ നിരവധി വിദ്യാർഥികൾക്ക് ഗുരുതര പരുക്കേൽക്കുകയും ചെയ്തു.

In a tragic accident in Cuddalore, Tamil Nadu, a school bus collided with a train at the Semmankuppam railway gate, killing three students, including siblings, and seriously injuring the driver and three others. The incident occurred at 7:45 AM when the Krishna Swamy Vidyaniketan CBSE school bus was hit by the Villupuram-Mayiladuthurai passenger train. The bus driver denied railway claims that the gate was opened at his request, stating he did not see the gatekeeper. Students on the bus corroborated his statement