കൊച്ചി: അമ്പലമുകളിലെ റിഫൈനറിയിൽ തീപിടിത്തം. കെഎസ്ഇബിയുടെ ഹൈടെൻഷൻ ലൈനിൽ നിന്ന് തീപ്പിടിത്തമുണ്ടായതാണ് അപകടത്തിന് കാരണമെന്ന് പ്രാഥമിക വിവരം. അപകടത്തെ തുടർന്ന് പ്രദേശമാകെ കനത്ത പുക വ്യാപിച്ചു. പുക ശ്വസിച്ച് കുഴഞ്ഞുവീണ അഞ്ച് ജീവനക്കാരെ ആശുപത്രിയിൽ പ്രവേശിപ്പിച്ചു.

അമ്പലമുകളിലെ ഹിന്ദുസ്ഥാൻ ഓർഗാനിക് കെമിക്കൽസ് യൂണിറ്റിലാണ് തീപിടിത്തമുണ്ടായത്. പുക മൂലം സമീപപ്രദേശമായ അയ്യങ്കുഴിയിൽ നിരവധി പേർക്ക് ശ്വാസതടസ്സം അനുഭവപ്പെട്ടു. പുക ശ്വസിച്ച് ദേഹാസ്വാസ്ഥ്യം അനുഭവപ്പെട്ട പ്രദേശവാസികളെ ആശുപത്രിയിലേക്ക് മാറ്റി. അയ്യങ്കുഴിയിൽ നിന്ന് ഏകദേശം 45 കുടുംബങ്ങളെ അടിയന്തരമായി ഒഴിപ്പിച്ചു.

ALSO READ: കോന്നി പയ്യാനമൺ പാറമട അപകടം: കു‍ടുങ്ങികിടന്ന രണ്ടാമത്തെയാളുടെ മൃതദേഹം കണ്ടെത്തി

അഗ്നിരക്ഷാസേന, പൊലീസ്, ആരോഗ്യപ്രവർത്തകർ എന്നിവർ സ്ഥലത്തെത്തി രക്ഷാപ്രവർത്തനം തുടങ്ങി. അപകടസ്ഥലത്ത് ശക്തമായ പൊട്ടിത്തെറിയുടെ ശബ്ദം കേട്ടതായി നാട്ടുകാർ റിപ്പോർട്ട് ചെയ്തു. സ്ഥിതിഗതികൾ നിയന്ത്രണവിധേയമാക്കാൻ അധികൃതർ അടിയന്തര നടപടികൾ സ്വീകരിച്ചുവരികയാണ്.

A massive fire broke out at the BPCL refinery in Ambalamugal, Kochi, reportedly due to a spark from a KSEB high-tension line. Thick smoke engulfed the area, causing five workers to collapse and many local residents to experience breathing difficulties. Around 45 families from nearby Ayyankuzhi were evacuated. Firefighters, police, and health workers are at the scene, with authorities working urgently to control the situation