കുവൈത്ത് സിറ്റി: അറേബ്യൻ ഗൾഫ് കപ്പ് ഫൈനൽ മത്സര ചടങ്ങിൽ ഗൾഫ് ഫുട്ബാൾ ഇതിഹാസങ്ങളെ പ്രത്യേകം ആദരിക്കുമെന്ന് കുവൈത്ത് സാംസ്‌കാരിക- യുവജനകാര്യ മന്ത്രിയും ഗൾഫ് കപ്പ് സുപ്രീം കമ്മിറ്റിയുടെ തലവനുമായ അബ്‌ദുൽറഹ്‌മാൻ അൽ മുതൈരി അറിയിച്ചു.

ഗൾഫ് ഫുട്ബാൾ ചരിത്രത്തെ സ്വാധീനിച്ച ഇതിഹാസങ്ങളെ നോമിനേറ്റ് ചെയ്യാൻ പങ്കെടുക്കുന്ന രാജ്യങ്ങളുടെ ഫുട്ബാൾ ഫെഡറേഷനുകളെ അറിയിച്ചിട്ടുണ്ട്. ടൂർണമെന്റിന്റെ ഫൈനലിനിടെ പ്രത്യേക ചടങ്ങിൽവച്ച് ഈ താരങ്ങളെ ആദരിക്കും.

ശനിയാഴ്ച വൈകീട്ട് ഏഴിന് ജാബിർ അൽ അഹമ്മദ് അന്താരാഷ്ട്ര സ്റ്റേഡിയത്തിലാണ് ഫൈനൽ മത്സരം നടക്കുന്നത്. ഗൾഫ് കപ്പ് മത്സരം എന്നതിനേക്കാൾ ഇത് ഗൾഫ് ഐക്യത്തെയും സഹകരണത്തിന്റെയും പ്രതീകമാണെന്നും ഈ മേഖലയിലെ കായികരംഗത്ത് സേവനമനുഷ്ഠിച്ചവരെ ആദരിക്കേണ്ടത് ആവശ്യമാണെന്നും അൽ മുതൈരി വ്യക്തമാക്കി.

Kuwait is set to pay tribute to Gulf football legends during the Gulf Cup final, recognizing their outstanding contributions to the sport in the region.