ലോകമെമ്പാടുമുള്ള ഒരു ബില്യൺ വ്യക്തികളെ അഗ്നി സുരക്ഷയിലും തയ്യാറെടുപ്പിലും പരിശീലിപ്പിക്കുന്നതിനായി ഒരു പുതിയ സംരംഭം ആരംഭിച്ച് യുഎഇ. '1 ബില്യൺ റെഡിനസ്' എന്നാണ് സംരംഭത്തിന് പേര് നൽകിയിരിക്കുന്നത്. വെർച്വൽ കോഴ്‌സുകൾ നടത്താൻ ആഗോളതലത്തിൽ 34 രാജ്യങ്ങളുമായും 16 പ്രധാന അഗ്നിശമന സംഘടനകളുമായും സഹകരിക്കാൻ ഈ സംരംഭം ലക്ഷ്യമിടുന്നു.

അഗ്നിശമന സംരക്ഷണവും സുരക്ഷയും മെച്ചപ്പെടുത്തുന്നതിനുള്ള ഏറ്റവും വലിയ ആഗോള ശ്രമങ്ങളിലൊന്നാണ് ഈ പദ്ധതിയെന്ന് ദുബൈയിലെ സുപ്രീം കമ്മിറ്റി ഓഫ് ക്രൈസിസ് ആൻഡ് ഡിസാസ്റ്റർ മാനേജ്‌മെൻ്റ് ചെയർമാൻ ഷെയ്ഖ് മൻസൂർ ബിൻ മുഹമ്മദ് ബിൻ റാഷിദ് അൽ മക്തൂം വ്യക്തമാക്കി.

"2025 മുതൽ 2027 വരെ പ്രവർത്തിക്കുന്ന ഈ പദ്ധതി ലോകമെമ്പാടുമുള്ള ഒരു ബില്യൺ ആളുകളെ അഗ്നി പ്രതിരോധ നടപടികളെക്കുറിച്ച് പരിശീലിപ്പിക്കാനും ബോധവത്കരിക്കാനും ലക്ഷ്യമിട്ടുള്ളതാണ്. പദ്ധതിയുടെ പ്രധാന ഘടകമായ ഹോപ്പ് കോൺവോയ്‌സ് പദ്ധതി വികസ്വര രാജ്യങ്ങൾക്ക് അത്യാവശ്യ ഉപകരണങ്ങൾ വിതരണം ചെയ്തും അഗ്നിശമന സ്‌റ്റേഷനുകൾ സ്ഥാപിച്ചും ആവശ്യമായ പിന്തുണ നൽകും.

UAE aims to provide fire safety training to one billion people worldwide, promoting global fire safety awareness and education.