കൊല്ലം: അഞ്ചലില്‍ 9 വയസ്സുകാരനെ ജനലില്‍ കെട്ടിയിട്ട് പീഡിപ്പിക്കാന്‍ ശ്രമിച്ച 35 കാരന്‍ അറസ്റ്റില്‍. അഞ്ചല്‍ തേവര്‍തോട്ടം സ്വദേശി മണിക്കുട്ടന്‍ ആണ് പിടിയിലായത്. 

ഇക്കഴിഞ്ഞ 20 നാണ് സംഭവമുണ്ടായത്. മെഴുകുതിരി വാങ്ങാന്‍ വേണ്ടിയായിരുന്നു കുട്ടി പ്രതിയുടെ വീട്ടിലേക്ക് എത്തിയത്. ആ സമയത്താണ് ഇയാള്‍ കുട്ടിയോട് ലൈംഗികാതിക്രമം നടത്തിയത്. കുട്ടി പേടിച്ച് ബഹളം വെച്ച് ഓടി. പിന്നാലെ ഓടിയ പ്രതി കുട്ടിയെ വീണ്ടും പിടിച്ച് ജനലില്‍ കെട്ടിയിട്ടു. 

രക്ഷപ്പെട്ട കുട്ടി വീട്ടിലേക്കെത്തി വിവരം പറയുകയായിരുന്നു. രക്ഷിതാക്കള്‍ നല്‍കിയ പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചു. പോക്‌സോ വകുപ്പ് ഉള്‍പ്പെടെ ചുമത്തിയിട്ടുണ്ട്.