വയനാട് : തലപ്പുഴയില്‍ കടുവ ജനാവസ മേഖലയില്‍ എത്തിയതായി സ്ഥിരീകരണം. കടുവയെയും രണ്ടു കുട്ടികളെയും വാഴത്തോട്ടത്തില്‍ കണ്ടതായി നാട്ടുകാര്‍ പറഞ്ഞു. പുല്ലരിയാന്‍ വന്നവരാണ് കടുവയെ ആദ്യം കണ്ടത്. ഈ പ്രദേശത്ത് 20 നിരീക്ഷണ കാമറകളാണ് സ്ഥാപിക്കുക. വനംവകുപ്പ് ഇവിടെ പട്രോളിങും നടത്തും. 
 
വയനാട് കുറുക്കന്‍ മൂല കാവേരി പൊയിലില്‍ വനഭാഗത്തോട് ചേര്‍ന്ന ജനവാസ മേഖലയില്‍ മുമ്പ് കടുവയെ കണ്ടെന്ന് സൂചന കിട്ടിയിരുന്നു. പ്രദേശവാസിയായ ലക്ഷ്മിയുടെ വീട്ടിലെ വളര്‍ത്തു നായയെ കടുവ ആക്രമിക്കുകയും ചെയ്തിരുന്നു.ശബ്ദം കേട്ട് പുറത്തിറങ്ങിയ കുടുംബത്തിന് മുന്നിലൂടെ നായയെ കടിച്ചെടുത്ത് കടുവ ഓടുകയായിരുന്നു.

പഞ്ചാരക്കൊല്ലിയില്‍ ഭീഷണി പടര്‍ത്തിയ കടുവയെ ചത്ത നിലയിലും കണ്ടെത്തിയിരുന്നു. വനംവകുപ്പ് തിരച്ചിലിനിടെയാണ് കടുവയെ ചത്ത നിലയില്‍ കണ്ടെത്തിയത്.