തൃശൂര്‍: അതിരപ്പള്ളിയില്‍ മസ്തകത്തിന് പരിക്കേറ്റ കൊമ്പനെ മയക്കുവെടി വെച്ചു. ഡോ. അരുണ്‍ സക്കറിയയുടെ നേതൃത്വത്തിലുള്ള സംഘമാണ് 7.15ഒടെ ആനയെ മയക്കുവെടി വെച്ചത്. പതിനാലാം ബ്ലോക്കിലാണ് ആനയുണ്ടായിരുന്നത്. ആനക്കൊപ്പം മറ്റൊരു ആന കൂടി ഉണ്ടായിരുന്നു. 

മയങ്ങിയ ശേഷം ആനയെ സുരക്ഷിതമായി കോടനാട് അഭയാരണ്യത്തില്‍ എത്തിച്ച് ചികിത്സ നല്‍കാനാണ് ശ്രമം. ആനക്കൂടിന്റെ പണി പൂര്‍ത്തിയായിട്ടുണ്ട്. എലിഫന്റ് ആംബുലന്‍സും സജ്ജമാണ്. 
രണ്ടാം ഘട്ട ചികിത്സ ദൗത്യത്തിന് ചീഫ് വെറ്റിനറി ഓഫീസര്‍ അരുണ്‍ സഖറിയയുടെ നേതൃത്വത്തിലുള്ള 25 അംഗ വിദഗ്ധ സംഘവും സ്ഥലത്തെത്തിയിട്ടുണ്ട്.

കഴിഞ്ഞ 24ന് ആനയെ വെടിവെച്ച് പിടികൂടി ചികിത്സ നല്‍കിയിരുന്നു. പിന്നീട് നില വഷളായതിനെ തുടര്‍ന്നാണ് കോടനാടേക്ക് മാറ്റി ചികിത്സ നല്‍കാന്‍ വനംവകുപ്പ് തീരുമാനിച്ചത്. കോടനാട് ആനപരിപാലന കേന്ദ്രത്തില്‍ അരിക്കൊമ്പനായി നിര്‍മ്മിച്ച കൂട്ടിലേക്ക് ആനയെ മാറ്റാനാണ് തീരുമാനം. ഇതിനായി സ്ഥലത്ത് അരുണ്‍ സഖറിയയുടെ നേതൃത്വത്തില്‍ പരിശോധന നടത്തിയിരുന്നു.