അടുത്ത മാസം മുതൽ സംസ്ഥാനത്ത് വൈദ്യുതി ബില്ലുകളില്‍ മാറ്റം വരുന്നു. അടുത്ത മാസം മുതൽ വൈദ്യുതി ബില്‍ വീണ്ടും കുറയും. ഇന്ധന സര്‍ചാര്‍ജിന്റെ നിരക്ക് കുറയുന്നതിലൂടെയാണ് ഉപഭോക്താക്കള്‍ക്ക് ബില്ലില്‍ ആശ്വാസം ലഭിക്കുക.

പ്രതിമാസ ബില്ലിങ് ലഭിക്കുന്ന ഉപഭോക്താക്കള്‍ക്ക് ഓരോ യൂണിറ്റിനും പുതിയ ഇന്ധന സര്‍ചാര്‍ജ് 6 പൈസയും രണ്ടുമാസത്തിലൊരിക്കല്‍ ബില്ലിങ് ലഭിക്കുന്ന ഉപഭോക്താക്കള്‍ക്ക് 8 പൈസയുമായിരിക്കും പുതിയ ഇന്ധന സർചാർജ്. മുമ്പ് 10 പൈസയായിരുന്നു ഈ നിരക്ക്.

കെഎസ്ഇബി, പുറത്തുനിന്നു വൈദ്യുതി വാങ്ങുന്നതിനുള്ള ചെലവുകൾ തിരിച്ചടുക്കുവാനായി സർജാർജ് ഫീസ് ഈടാക്കിയിരുന്നു. വൈദ്യുതി റെഗുലേറ്ററി കമ്മീഷന്‍ ഉത്തരവ് പ്രകാരം ഈടാക്കിയിരുന്ന 9 പൈസ കഴിഞ്ഞ മാസം വേണ്ടെന്ന് വച്ചിരുന്നു. ഇതിന് പിന്നാലെയാണ് വൈദ്യുതി ബില്ലില്‍ ചുമത്തുന്ന ഇന്ധന സര്‍ചാര്‍ജ് കെഎസ്ഇബി കുറയ്ക്കുന്നത്.