ഒട്ടാവ: അമേരിക്കൻ ഉൽപ്പന്നങ്ങൾക്ക് കാനഡ ശക്തമായ തിരിച്ചടിയുമായി. 20.7 ബില്യൺ ഡോളർ (29.8 ബില്യൺ കാനഡിയൻ ഡോളർ) മൂല്യമുള്ള യുഎസ് ഉൽപ്പന്നങ്ങൾക്ക് കാനഡ അധിക തീരുവ പ്രഖ്യാപിച്ചു. സ്റ്റീൽ, അലുമിനിയം ഉൽപ്പന്നങ്ങൾക്ക് അമേരിക്ക ചുമത്തിയ നികുതി നടപടികൾക്ക് മറുപടിയായാണ് ബുധനാഴ്ച കാനഡയുടെ പുതിയ പ്രഖ്യാപനം.

കമ്പ്യൂട്ടറുകളും സ്‌പോർട്സ് ഉപകരണങ്ങളും അടക്കമുള്ള വിവിധ ഉൽപ്പന്നങ്ങളെയാണ് പുതിയ താരിഫ് ബാധിക്കുക. വ്യാഴാഴ്ച മുതൽ ഇത് പ്രാബല്യത്തിൽ വരും എന്ന് കാനഡയുടെ ധനമന്ത്രി ഡൊമിനിക് ലെബ്ലാങ്ക് അറിയിച്ചു. അമേരിക്കയുടെ നടപടിയെ അന്യായവും യുക്തിരഹിതവുമാണെന്ന് അദ്ദേഹം വ്യക്തമാക്കി.

ട്രംപിന്റെ നയവും കാനഡയുടെ പ്രതികരണവും

അമേരിക്കയുടെ പുതിയ ഇറക്കുമതി തീരുവയെ സംബന്ധിച്ച് പ്രസിഡന്റ് ഡൊണാൾഡ് ട്രംപ് നേരത്തേ തന്നെ നിലപാട് വ്യക്തമാക്കിയിരുന്നു. കാനഡ, മെക്സിക്കോ എന്നിവിടങ്ങളിൽ നിന്നുള്ള ഉൽപ്പന്നങ്ങൾക്ക് 25% തീരുവ ചുമത്തുമെന്ന് അമേരിക്ക മുൻമാസം പ്രഖ്യാപിച്ചിരുന്നു.

ഒരു മാസത്തേക്ക് ഈ നടപടി മരവിപ്പിച്ചിരുന്നെങ്കിലും കാലാവധി കഴിഞ്ഞതിനാൽ ഇനി ഇളവൊന്നുമില്ലെന്ന് ട്രംപ് വ്യക്തമാക്കി. ഇതിന് പുറമേ, ചൈനയിൽ നിന്നുള്ള ഉൽപ്പന്നങ്ങൾക്ക് 10% അധിക തീരുവയും ഇന്ന് മുതൽ ബാധകമാക്കും എന്ന് ട്രംപ് അറിയിച്ചു.

ഓഹരി വിപണിയിൽ പ്രത്യാഘാതം

ട്രംപിന്റെ പുതിയ പ്രഖ്യാപനങ്ങൾക്ക് പിന്നാലെ അമേരിക്കൻ ഓഹരി വിപണിയിൽ വൻ ഇടിവ് രേഖപ്പെടുത്തി. ട്രേഡ് പോരിന്‍റെ പുതിയ ഘട്ടത്തിലേക്ക് നീങ്ങുമ്പോൾ വിപണിയിൽ അനിശ്ചിതത്വം വർദ്ധിച്ചതായി സാമ്പത്തിക വിദഗ്ധർ വിലയിരുത്തുന്നു.

In response to US tariffs on Canadian steel and aluminum, Canada has imposed additional tariffs on $20.7 billion worth of US products. The new tariffs, affecting computers, sports equipment, and more, take effect Thursday, Finance Minister Dominic LeBlanc announced. Calling the US tariffs "unjustifiable and irrational," Canada’s move escalates trade tensions. Meanwhile, Trump has also imposed a 10% tariff on Chinese goods, triggering a sharp decline in US stock markets.