തൃശൂർ: കരുവന്നൂർ കള്ളപ്പണ ഇടപാട് കേസിൽ നിർണായക നീക്കവുമായി എൻഫോഴ്‌സ്‌മെന്റ് ഡയറക്ടറേറ്റ്. അന്വേഷണത്തിൽ കണ്ടെത്തിയ കാര്യങ്ങൾ ഉൾപ്പെടുത്തി സംസ്ഥാന സർക്കാർ പൊലിസ് മേധാവിക്ക് കത്ത് നൽകും. സംഭവത്തിൽ സിപിഎമ്മിനെ പ്രതി ചേർത്തതും പാർട്ടിയുടെ അക്കൗണ്ടിൽ ലഭിച്ച പണത്തിന്റെയും വിവരങ്ങളാണ് പൊലിസ് മേധാവിക്ക് കൈമാറുക. ഇതിനു പുറമെ വായ്പകൾ എടുത്തുകൊണ്ട് ബാങ്കിന് വലിയ സാമ്പത്തിക ബാധ്യതകൾ സൃഷ്ടിച്ച പ്രതികളുടെ വിവരവും കൈമാറും. പിഎംഎൽഎ നിയമത്തിലെ സെക്ഷൻ ൬൬(@) പ്രകാരമാണ് ഈ നടപടി. 

അതേസമയം കരുവന്നൂർ ക്രൈംബ്രാഞ്ച് അന്വേഷണം വൈകുന്നതിൽ ചോദ്യം ചെയ്യ്തുള്ള ഹര്ജി ഇന്നാണ് ഹൈക്കോടതി പരിഗണിക്കുന്നത്. നാല് വർഷം കഴിഞ്ഞിട്ടും അന്വേഷണം എവിടെയും എത്താത്തതിൽ സിംഗിൾ ബെഞ്ച് വലിയ അതൃപ്തി രേഖപ്പെടുത്തിയിരുന്നു. കേസ് ഫയലുകൾ എൻഫോഴ്‌സ്‌മെന്റ് കൊണ്ടുപോയാണ് അന്വേഷണം മുന്നോട്ട് പോവാത്തതിന് കാരണമെന്ന് സംസ്ഥാന സർക്കാർ മറുപടി നൽകിയിരുന്നു.

യഥാർത്ഥ രേഖകൾ കിട്ടിയാൽ മാത്രമേ അന്വേഷണം നടത്തൂ എന്നായിരുന്നു കോടതി ചോദിച്ചത്. അന്വേഷണം പൂർത്തിയാക്കാൻ മൂന്ന് മാസം കൂടി സമയം വേണ്ടി വരുമെന്ന് സർക്കാരിന്റെ വാദം കോടതി അംഗീകരിക്കാതെ പോവുകയായിരുന്നു. കേസ് ഇങ്ങനെയാണ് പോവുന്നതെങ്കിൽ സിബിയ്ക്ക് കൈമാറേണ്ടിവരുമെന്ന് കോടതി ഇന്നലെ വ്യക്തമാക്കിയിരുന്നു. 

Karuvannur money laundering case ED prepares to write to state police chief