തൊടുപുഴ: താന്‍ വിളിച്ചിട്ട് വന്നില്ല എന്ന ഒറ്റക്കാരണത്താല്‍ വളര്‍ത്തുനായയെ അതിന്റെ ഉടമ ശരീരമാസകലം വെട്ടിപ്പരിക്കേല്‍പിച്ചു. ഇടുക്കി തൊടുപുഴയില്‍ ആണ് സംഭവം. നായക്ക് ക്രൂരമായ മര്‍ദനമാണേറ്റിരിക്കുന്നത്. സംഭവത്തില്‍ ഉടമ ഷൈജു തോമസിനെതിരേ തൊടുപുഴ പൊലിസ് കേസെടുത്തു.

നായയ വെട്ടിപ്പരിക്കേല്‍പിച്ചതിനു ശേഷം ഇയാള്‍ റോഡില്‍ ഉപേക്ഷിച്ചു പോവുകയായിരുന്നു. വഴിയാത്രക്കാര്‍ വിവരം റെസ്‌ക്യൂ സംഘത്തെ അറിയിച്ചു. ഷൈജു മദ്യലഹരിയിലായിരുന്നുവെന്നാണ് ദൃക്‌സാക്ഷികള്‍ പറയുന്നത്. നായയെ ആശുപത്രിയിലെത്തിച്ച് ചികിത്സ നല്‍കിയ ശേഷം അഭയ കേന്ദ്രത്തിലേക്ക് മാറ്റിയിരിക്കുകയാണ്. പിന്നീട് ഉടമയ്‌ക്കെതിരെ പരാതിയും നല്‍കി.